Мессига янги лақаб ўйлаб топилди
30 июн 2021 15:18
Янгиликлар
Мессига янги лақаб ўйлаб топилди
Ижтимоий тармоқларда 34 ёшли футболчини "Анқара Месси" деб номлашмоқда ва бу лақаб сўнгги кунларда Мессига "ёпишди". Лақаб муаллифи аргентиналик футбол муҳлисаси ва ютубер Лукита Родригес, деб ишониляпти. У ижтимоий тармоқдаги саҳифасида 14 йил аввалги видеони жойлаштирди. Видеода ёш Мессининг "Хетафе" билан ўйиндаги 7-8 футболчини алдаб ўтиб урган голи ва бу голга шарҳловчининг "Анқара Месси, Анқара Месси" қабилидаги реакцияси акс этган. Аслида шарҳловчи каталончалаб "Encara Messi", яъни "Ҳали ҳам Месси" деб айтган эди.
Янги лақаб тезлик билан тарқала бошлади ва сешанба куни "Анқара Месси" жумласи Аргентина телеканаллари эфирида ҳам айтилди. Аргентина футбол Федерацияси ва Туркиянинг "Анқарагюжю" клуби Twitter саҳифалари ҳам четда қолишмади.
Бундан ташқари, Испаниянинг Marca нашри Мессининг янги лақаби тўғрисида қайд чоп этди.
Америка Кубогида Аргентина терма жамоаси чорак финалга йўл олди. Бу босқичда жамоа 4 июль куни Эквадорга қарши ўйнайди.
Ўхшаш янгиликлар
championat.asia
АПЛ. "Арсенал" "Астон Вилла"нинг ғалабали сериясига нуқта қўйди. МЮ аутсайдерни мағлуб эта олмади
ОЧЛ 2 плей-офф босқичига қуръа ташланди: Роналду етакчилигидаги "Ал Насср" "Арқадағ" билан ўйнайди
Месси "Америка қироли" мукофотини қўлга кирита олмади. Уни "Фламенго" ярим ҳимоячиси ортда қолдирди
Breaking! Бозоров, Алибоев, Рўзиев ва Холмуродов терма жамоадан чақирув олди
Фикрлар