UZ

Сўнгги янгиликлар

08:21"Манчестер Юнайтед" беш футболчига базага киришни тақиқлади — клуб улардан воз кечмоқчи  0 08:00"Финалиссима-2026": Испания ва Аргентина ўртасидаги супероқшом март ойида бўлиб ўтади  0 07:35Мутолаа учун. Раньери, Моуриньо, Карпин. Шомуродов энди туркиялик мураббий билан ишлайди. Аввалги мутахассислар билан қандай саргузаштлар бўлган?  0 01:17Максим Шацких: “Трансфер ойнаси ёпилгунича 2-3 нафар янги ўйинчи оламиз”  3 00:55"Андижон" назорат ўйинида Тожикистон жамоасини мағлуб этди  1 00:41Футболга қайтиш муборак: "Байер" Эрик тен Хагнинг дебют ўйинида йирик ҳисобда мағлуб бўлди  5 00:21"Манчестер Сити" Траффорд билан шартнома имзолаши мумкин  2 23:59"Ақлдан озаётган" "Тоттенхэм" ўз тарихидаги энг қиммат трансферни амалга оширишга тайёрланмоқда  2 23:46Алишер Одилов "Навбаҳор"ни тарк этди  5 23:24Микель Артета: "Мадуэке - АПЛнинг энг яхши ҳужумчиларидан бири"  1 22:50Месси Ямалга қарши: Финалиссима қачон бўлади?  9 22:20Исак "Ал Ҳилол"га ўтиши мумкин  1 21:53"Милан" Спортьеллони собиқ жамоасига қайтариб юборди  0 21:33Гампер Кубоги учун ўйин қаерда бўлади?  6 21:14Расман: Нони Мадуэке - "Арсенал" футболчиси!  5

"Мен клуб танлашда уларнинг мухлисларига эътибор қаратаман" - "Андижон"нинг янги легионери яна нималар деди? Янгиликлар

"Мен клуб танлашда уларнинг мухлисларига эътибор қаратаман" - "Андижон"нинг янги легионери яна нималар деди?

Хабарингиз бор, "Андижон" жамоаси яқинда черногориялик ярим ҳимоячи Миомир Жюричкович билан шартнома имзолади.

Табиийки, барча расмиятчиликлар ҳал бўлганидан кейин янги легионер "Андижон" клуби матбуот хизматига дастлабки интервьюсини берди.

- Миомир, "Андижон" клубига хуш келибсиз! Бу таклиф қачон бўлди ва сиз кутганмидингиз?

- Яхши кутиб олганинглар учун раҳмат. Бир неча кун олдин "Сараево" билан шартномани бекор қилдим ва дарҳол "Андижон"нинг таклифини қабул қилдим. 

- Ушбу чақирувни қабул қилишингизда сизни нима илҳомлантирди?

- Бир нечта легионерлар "Андижон"да ўйнайди. Улар менга клуб ҳақида жуда яхши фикрларни билдиришди ва ушбу жамоанинг таклифини қабул қилишимни тавсия этишди. 

- Бунгача ўзбек футболи ҳақида нималарни эшитгансиз?

- Айтиб ўтганимдек, Черногория ва болқонлик кўп футболчилар бу ерда ўйнаган ва ҳали ҳамон Ўзбекистон чемпионатида фаолият олиб боришади. Уларнинг барчаси бу ердаги футболдан мамнун. Шу боис, мен ҳам худди шундай бўлишига умид қиламан.

- Жамоага сиздан олдин босниялик Мирзад Механович ҳам келди. Сизнинг охирги клубингиз Босниянинг "Сараево" клуби эди. Механовични яхши танисангиз керак?!

- Албатта, мен Мирзадни жуда яхши биламан. Босния чемпионатининг энг яхши футболчиларидан бири ҳамда жуда ажойиб голли пасларни амалга ошира олади. Аминманки, янги мавсумда унинг жамоамизга кўп ёрдами тегади. 

- Бош мураббий билан гаплашдингизми?

-  Мураббий билан учрашдим. Мирзад унинг машғулот ўтказиш услубини мақтади. Бизни олдинда Анталиядаги бир ойдан зиёд йиғин кутиб турибди. У ерда бир-биримизни яхшироқ билиб олиб, бирга муваффақиятли ўйнашимизга умид қиламан. 

- "Андижон"га ўтишингиз фаолиятингизда олдинга ташланган қадамми?

- Шартномамни бекор қилганимдан сўнг қисқа вақт ичида жуда кўп таклифлар қабул қилдим. Лекин «Андижон»ни танлашга қарор қилдим. Чунки бу менинг фаолиятимда олдинга ташланган қадам бўлишига ишонаман. 

- Жамоанинг ашаддий мухлисларига нима дейсиз?

- Мен клубларни танлашда уларнинг мухлисларига ҳам эътибор қаратаман. Энг яхши мухлисга эга жамоани танлашни афзал кўраман. Биламанки, бизнинг ишқибозларимиз Ўзбекистонда тенгги йўқ ҳисобланишади. Улар "Андижон"ни танлашимдаги энг асосий сабаб деб айта оламан.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика