Мбаппе: "ПСЖда эканлигимдан бахтиёрман"

Қўшиб берилган вақтда Килиан Мбаппе томонидан киритилган тўп парижликларга Мадрид клубига қарши ўйинда 1:0 ҳисобида ғалаба келтирди. Хабарингиз бор, жамоалар энди 9 март куни Испания пойтахтида жавоб учрашувида тўқнаш келишади. 

"Жуда харсандман. Биз жуда яхши ўйин ўтказдик ва қониқиш ҳосил қилдик. Иккинчи ўйин олдидан устунлик биз томонда. Неймар менга узатма берди, мен эса жарима майдончасига тезлик билан ёриб киришга муваффақ бўлдим. Ҳимоячилар ортда қолишди ва мен дарвозабоннинг оёқлари ораси томон зарба беришимни аниқ билардим.

"Реал" каби жамоа ҳеч қачон таслим бўлмайди. Бу учрашувда натижага эриша олмади, аммо жавоб учрашувида бошқача ҳаракат қилади. Биз 9 мартга тайёргарлик кўришимиз керак. Мен бор эътиборимни футболга қаратмоқчиман. Одамлар кўп нарса ҳақида гапиришади, ҳеч нарсани билмасдан, миш-миш тарқатишади. Тўғриси, мен бор диққат-эътиборимни жамоага ёрдам беришга қаратганман. ПСЖда эканлигимдан бахтиёрман", – деди Мбаппе.