UZ

Сўнгги янгиликлар

19:55Суперлига. "Динамо" – "Металлург" 0:1 (матнли трансляция)  6 19:50Улуғбек Бақоев: "Футболда шунақаси ҳам бўлиб туради"  2 19:33Кварацхелия "Наполи"дан кетмоқчи эмас  1 19:11"Арсенал" Йозуа Киммихга қизиқмоқда  4 18:15ПРО лига. Тошкентда ўтган "Бухоро" - "Хоразм" учрашувида дуранг қайд этилди  14 17:43Винченцо Итальяно мавсум охирида клубдан кетади  0 17:25Альфонсо Дэвис "Бавария" билан янги шартнома имзоламайди  0 17:01"Бунёдкор" янги бош мураббий номини эълон қилди  13 16:20"Евро-2024"да ҳеч ким Англия билан тенглаша олмайди"  9 15:57"Қизилқум" "Локомотив" билан ўйин учун қайдномасини эълон қилди  0 15:26Суперлига. 4-тур учрашувларини ўтказиб юборадиган футболчилар  4 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  3 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  5 13:44"Манчестер Юнайтед" "Реал" футболчисини сотиб олмоқчи  1

Майдон атрофидаги воқеалар "Навбаҳор"нинг ички муҳитига таъсир қиляптими ёхуд Раҳимжон Давронов сабрли бўлишга чақирди Янгиликлар

Майдон атрофидаги воқеалар "Навбаҳор"нинг ички муҳитига таъсир қиляптими ёхуд Раҳимжон Давронов сабрли бўлишга чақирди

Хабарингиз бор, сўнгги вақтларда Наманганнинг "Навбаҳор" жамоаси атрофида бўлаётган воқеалар кўпчиликнинг эътиборида бўлиб турибди.

"Пахтакор" билан ўйиндан кейинги ҳолатлар, юзага келган зиддиятлар маълум бир маънода майдон ичига ҳам ўз таъсирини ўтказиши мумкин. Футболда олдиндан аниқки кўп ҳолларда бирор жамоанинг натижалари, мағлубиятлари ёки ютуқлари майдон ташқарисидаги ишларга ҳам боғлиқ бўлади. Хўш айни кунларда юз бераётган ходисалар "Навбаҳор"нинг натижаларига ҳам таъсир қиляптими? Шу ва бошқа саволларга жавоб олиш мақсадида "лочинлар"нинг дарвозабони Раҳимжон Давроновнинг фикрлари билан қизиқдик.

- Қишки трансферлар вақтида "Навбаҳор"га кўчиб ўтдингиз. Лекин ҳали майдонга тушганингиз йўқ...

- Ассалому алейкум. Авваламбор барча юртдошларимизни кириб келган рамазон ойи билан табриклайман. Тўғри таъкидладингиз ҳали дебютимни нишонлаш насиб қилмади. Янги жамоага келиб бирданига ўйнаб кета олмайсиз. Маълум бир фурсат зарур. Ҳамма нарсани ўз вақти соати бор. Ўйлайманки ҳали ҳаммаси олдинда. Мавсум узоқ давом этади. Қолаверса кубок баҳслари бор. Шунинг учун хавотирга тушаётганим йўқ. 

- Наманган жамоасига ўтиш хато қарор бўлди, деб ўйлайсизми?

- "Навбаҳор"га ўтиш ҳуқуқи менда эмасди. Қонунан "Машъал"га тегишли эдим. Клуб мени трансфер қилди. Умуман олганда жамоадан кетишни ўйламаяпман. 

- Мавсум бошлангандан бери энг кўп воқелик "Навбаҳор"да юз берди. Дастлаб мураббий ўзгарди. "Пахтакор" билан ўйиндан сўнг можаролар юзага келди. Бундай паллада тўп тепаётган футболчиларга қанчалик қийин? 

- Майдон атрофидаги ишлар футболчиларга ҳеч қандай ҳалақит бераётгани йўқ. Чунки жамоада профессионал ўйинчилар жамланган. Қайсидир маънода оз бўлсада қийинчилик туғдириши мумкин. Аммо жиддий ёки ваҳимали муаммо келтириб чиқармайди.

- Жамоанинг қайд этаётган натижаларининг асл сабаби ҳам шундами? Балки муваффақият йўлида бироз сабрлироқ бўлиш керакдир...

- Тўғри. Натижа ҳар доим ўз-ўзидан дарҳол келиб қолмайди. Сабрли бўлиб биргаликда меҳнат қилсак натижа ҳам келади. Ҳар қандай муваффақиятнинг тагида катта меҳнат ётади. Шундай экан астойдил ишлашда давом этамиз.

- Одатда натижалар яхши бўлмаган ҳолатларда клубда ички муҳити ҳам ёмонлашади. Сизнингча ички муҳитдаги вазият фақат натижага боғлиқми?

- Натижа бўлмагандан кейин қандайдир ҳолатлар учраб туради. Бироқ ички муҳитга натижаларнинг таъсири жиддий бўлмайди. Айни пайтда жамоамизда вазият яхши. "Машъал"дан келган илк кунларимданоқ барча футболчилар билан тил топишиб кетдим. Мавсум яқинда бошланди. Вақт ўтгани сари бир-биримизни янада яхшироқ тушуниб борамиз. 

- Навбатдаги икки уй учрашувини жамоа мухлисларсиз ўтказишга мажбур...

- Мухлисларсиз жуда қийин бўлади. Бу ерга келиб ишқибозларнинг ўрни футболда нақадар муҳим эканлигини кўрдим. Насиб қилса қолган учрашувларда бизни доимгидек фаол қўллаб-қувватлаб туришади.


Абдулазиз Искандаров суҳбатлашди

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика