UZ

Сўнгги янгиликлар

17:01"Бунёдкор" янги бош мураббий номини эълон қилди  0 16:20"Евро-2024"да ҳеч ким Англия билан тенглаша олмайди"  4 15:57"Қизилқум" "Локомотив" билан ўйин учун қайдномасини эълон қилди  0 15:44ПРО-Лига. Турнинг марказий учрашуви асосий таркиблари маълум  2 15:26Суперлига. 4-тур учрашувларини ўтказиб юборадиган футболчилар  2 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  5 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  5 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0

Махарадзе қачон келганди? Янгиликлар

Махарадзе қачон келганди?

"Локомотив" атрофидаги воқеалар кўпчиликнинг дилини хира қилди.

Воқеанинг асосий қаҳрамони 5 йилга футболдан четлатилгани, жаримага тортилгани ҳақида ўқидингиз. Грузиялик ўйинчи тез орада 35 ёшга киришини инобатга олсак, яшил майдондаги фаолияти кўп эҳтимол билан тугади. Аммо унинг ҳикояси бошқача якунланиши мумкин эди... 

Карленовичнинг танлови

Махарадзе Ўзбекистонга илк бор 2009 йилнинг ёзида келганди. Унга чемпионатимиз эшикларини "Локомотив"нинг ўша даврдаги устози очади. "Темирйўлчилар"нинг Иссиқкўлдаги йиғинига "просмотр" учун бир қанча легионерлар қўшилишган. Тажрибали Абрамовнинг эътибори ҳаракатчан, бўйдор йигитчага тушади. Бу 22 ёшли Кахи эди. Мураббий уни олиб қолиб, бошқа хорижликларга чиқиш эшикларини кўрсатди.

Тақдирнинг ҳазили

Махарадзелар оиласини футболчилар сулоласи деса ҳам бўлади. Кахи отаси Малхаз сингари Тбилиси ва Батуми клублари шарафини ҳимоя қилган. Унинг Тошкентдаги дастлабки ўйини 2009 йилнинг август ойига тўғри келади. Ўша куни таркибида Аҳрол Рисқуллаев ва Шавкат Насибуллаев сингари ҳимоячилар ўйнаётган "Қизилқум" мағлуб қилинган. 

Энг қизиғи, футболчининг Суперлигадаги охирги ўйинида ҳам Рисқуллаев иштирок этди (фақат ҳакам сифатида).

Дарвозабон...

Мухлислар Кахининг универсаллик хусусиятини яхши билишади. Уни ҳужумчи ортида, таянч зонасида, ҳимоянинг турли нуқталарида томоша қилганмиз. Лекин кўпчилик Махарадзе голкиперга айланган ўйинни эслай олмаса керак.

Бу воқеа 2009 йилги мавсумнинг 18-турида содир бўлган. "Динамо" марҳум Сирожиддин Сайфиевнинг голлари эвазига ғалаба қозонган. Тошкентликларнинг россиялик посбони Александр Филимонов 75-дақиқада майдондан четлатилган эди. "Локомотив" захира имкониятларидан фойдаланиб бўлгани учун дарвозабон ўрнини Махарадзе эгаллайди. Қизиғи, ўша куни Филимонов 2та гол ўтказган, Кахи эса нолга турганди.

"Пахтакор" орқали Германияга

2010 йилда "Локо" биринчи лигага тушиб кетса ҳам, Махарадзе Самвел Бабаяннинг назарига тушиб бўлган эди. У кейинги мавсумни "шерлар" таркибида бошлади ва 1-марта Ўзбекистон кубогини ютди. 2012 йилда чемпионлик ҳам келди. Кахи йилдан йилга ўзини яхши томондан кўрсатиб, "Пахтакор" сардорига айланди. Шундан кейин Грузия термасидан чақирув олган қаҳрамонимиз миллий жамоа либосидаги ягона расмий учравини Германияга қарши ўтказган эди (Мюллерга нисбатан қўполлиги учун огоҳлантирилгани ҳалиям ёдимда)...

Хато

Кахининг Ўзбекистондаги карьерасига унча-мунча футболчи ҳавас қилади. Нақ 13 йиллик фаолият давомида қўлга киритилган 6 чемпионлик, 3 та кубок. Чемпионлар лигасидаги 41 баҳс. Ўзбекитон чемпионатида ўтказилган 328 ўйин, 42 гол. Шубҳасиз, Ўзбекистонган келган энг яхши легионерлардан бири.

У клубларимиз учун ҳамма ишни қилди: югурди, йиқитди, гол урди, дарвозада турди, йиғлади, жароҳатланди... Аммо охиргиси ортиқча бўлди. Агар Кахининг эртаги яхшилик билан тугаса, афсоналар қаторига қўшиларди. У ҳам Абрамов ёки Саркисяндек ҳурмат қилинар, умрининг охиригача мухлислари қуршовида яшар эди. Афсус, биргина хато бутун бошли 13 йилни "еб қўйди". 

Муаллифнинг телеграмдаги канали → ФР| футбол АНАЛИЗИ

Муаллиф :
Рейтинг: +28   

Фикрлар

championat.asia
< сўнгги янгиликларни кўриш
Яндекс.Метрика