Марказ Канада билан бўлган музокарани тасдиқлади
14 апр 2016 18:19
Янгиликлар

Марказ Канада билан бўлган музокарани тасдиқлади

Бугун ФИФА расмий сайтида Канада терма жамоасининг Ўзбекистон миллий терма жамоасига қарши ўртоқлик учрашуви ўтказиши мумкинлиги ҳақидаги хабар чоп этилди.

Лекин ҳозирча бу ўйиннинг ўтказилиши юзасидан расмий шартнома имзоланмаган. Воқеага ойдинлик киритиш мақсадида ЎФФ Терма жамоалар маркази бош директори Асқар Толибжонов билан боғландик.

"Ҳақиқатдан ҳам Канада футбол федерацияси бизга ўртоқлик ўйини ўтказиш таклифи билан чиқди. Бу борада улар бизга 7 июнь куни Австрияда учрашув ташкил этишни тавсия қилишди. Лекин бу биздаги ягона таклиф эмас. Шунингдек, биз яна 15та давлат футбол федерациялари билан музокара ўтказяпмиз. Улар орасида Исроил ва Хорватия терма жамоаларини кўрсатиш мумкин. Канада таклифи расман кучга кирадими-йўқми, буни қолган терма жамоалар билан бўладиган музокараларимиз ҳал қилади", - деди Асқар Имомжонович.

- Таиландда бўлиб ўтадиган "Қирол Кубоги" мусобақасида терма жамоамиз иштирок этадими?
- Йўқ. Боиси, 7 июнь санаси учун бизда бошқа савияли терма жамоалар билан музокаралар кетяпти. Ҳозир нафақат июнь ойи учун, балки 2016/17 йил тақвими асосида ҳам терма жамоалар билан музокаралар олиб бораяпмиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +16