UZ

Сўнгги янгиликлар

14:15Туркия гранди Аббос Файзуллаевга қизиқмоқда  8 13:51Роналду 2025 йилги клублар ўртасидаги ЖЧ туфайли жамоасини ўзгартирмоқчи  8 13:23"Ньюкасл" "Арсенал" ва "Ливерпул"нинг қизиқиши сабабли Исак билан олиб борилаётган музокараларни тўхтатди  1 12:56Трентнинг кетиши Салоҳга фойда келтириши мумкин  0 12:33АПЛ, Ла Лига ва Бундеслигада энг кўп маош олувчи мураббийлар маълум  1 12:04Ўзбекистон U-17 терма жамоасининг Осиё кубогида иштирок этувчи якуний таркиби эълон қилинди  5 11:26ЖЧ-2010нинг энг яхши ўйинчиси Диего Форлан Фергюсонни ғазаблантиргани ва МЮдан кетишига сабаб бўлган омил ҳақида гапирди  3 10:52А сериянинг энг қиммат футболчилари эълон қилинди  2 10:19«Ал Насср» АПЛ футболчиси учун 100 миллион евро таклиф қилмоқчи  3 09:41«Спортинг» футболчиси учун МЮдан 83 миллион евро сўради  1 09:10«Бухоро» «Хоразм»ни йирик ҳисобда мағлуб этган баҳсдан ФОТОГАЛEРEЯ  4 08:40АПЛда март ойининг энг яхши мураббий ва ўйинчиси бўлишга номзодлар маълум  1 08:07Sofascore. Ғаниев кечаги баҳсда қандай баҳога лойиқ кўрилди?  22 07:35Суперлига. Бугун учта учрашув бўлиб ўтади  12 02:55ЛаЛига. "Барселона" "Осасуна"дан реванш олди  27

Марио Гомес: "Германия билан Евро-2016га боришни истайман" Янгиликлар

Марио Гомес: "Германия билан Евро-2016га боришни истайман"

Ёзда “Фиорентина”дан “Бешиктош”га кўчиб ўтган германиялик ҳужумчи Марио Гомес УЕФАнинг расмий сайтига берган интервьюсида фаолиятидаги муҳим голлар, кумири ва мавсумдаги режалари хусусида гапириб берди.


- Болаликда кумирингиз ким бўлган?

- Ромарио. У фантастик ҳужумчи бўлган. У голларни қалаштириб ташларди. Шунчаки ажойиб ўйинчи.

- Сиз билан ишлаган энг яхши мураббий номини айтинг.

- Фақат бир исмни айтиш адолатдан бўлмаса керак. Уларнинг ҳар бири менга нималарнидир ўргатган. Профессионал тарафдан уларнинг барчаси мени яхшироқ қилган. Агар фақат бир фамилияни келтириш керак бўлса, Юпп Хайнкесни айтган бўлардим. Унинг қўл остида “Бавария” билан мавсумдаги барча мусобақаларда ғолиб чиққандик.

- Футбол тарихида энг яхши уч нафар футболчиларни айта оласизми?

- Лионель Месси, Криштиану Роналду ва Роналдо.

- Истамбул қандай ва ушбу мавсумда олдингизга қандай мақсадлар қўйгансиз?

- Истамбулда ҳаёт яхши. Шу билан бирга мураккаб. У жуда кўп машина, одамлар ва уйларга эга бўлган катта шаҳар. Босфордаги кўриниш шунчаки сеҳрлаб қўяди. Эҳтимол, бу жаҳондаги энг яхши табиат кўринишларидан бири. Одамлар жуда меҳмондўст ва футболга жуда қизиқишади. Мавсумдаги мақсадлардан бири Туркия чемпионатида ғалаба қозониш. Олтин медалларни қўлга киритиш осон бўлмайди, лекин эришса бўладиган вазифа. Бизда яхши жамоа бор. Европа Лигаси эса жамоа ва ишқибозларнинг яна бир мақсадидир. Шахсий мақсадим эса Германия терма жамоаси билан Франциядаги Евро-2016да иштирок этиш.

- Фаолиятингизда қайси лаҳзалар билан кўпроқ фахрланасиз?

- Улар жуда кўп! Эришилган барча совринлар ва ғалабалар, Чемпионлар лигасидаги биринчи ўйиним билан фахрланаман.

- Қайси голингизни энг яхши деб ҳисоблайсиз?

-Фикримча, энг яхши голлар жамоа учун муҳим голлардир. Бундеслигада дебют баҳсимдаёқ тўп киритганман. Қувончдан деярли йиғлаб юборганимни эслайман. Германия терма жамоасида дебют ўйинда ҳам голим муҳим бўлган. Бу 2007 йил Швейцария билан учрашувда рўй берганди. Чемпионлар лигасида урилган голлар ҳам жуда муҳим бўлган.

- Ёқтирган қўшиғингиз қайси?

- Реппер Тупак ижросидаги “Changes” қўшиғи.

- Айни пайтда жаҳоннинг энг кучли футболчиси ким?

- Бу мен учун жуда қийин савол. “Барселона” тарафдориман ва Лионель Мессини танлайман. Лекин Криштиану Роналду ҳам жуда яхши ўйинчи.


Беҳзод НАЗАРОВ тайёрлади.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика