Марат Бикмаев: "Сўғдиёна"га қарши осон баҳс кечмайди"

"Темирйўлчилар" сафарга йўл олишларидан олдин жамоа етакчиларидан бири Марат Бикмаевнинг фикрлари билан қизикдик.

- Марат, авалламбор, Осиё Чемпионлар лигасидаги ютуқ билан табриклайман. “Сепахон” билан кечган ўйин борасида қандай фикрдасиз?
- Табрик учун раҳмат. Ўйин жуда оғир кечди.Сафардаги учрашув ҳам оғир ўтганди. Ноқулай ҳаво ва кучли ёмғир ўйинимизни қийинлаштирганди. Ўз майдонимизда кечган беллашув ҳам жуда оғир бўлди.Ўйинни кучайтириш мақсадида менинг ўрнимга Жасур Ҳасановни тушуришди ва ушбу қийин баҳсда биз ғалаба қозондик. Мақсадимиз ҳам шу эди.

- Маълумки, "Локомотив" ўзининг навбатдаги учрашувини сафарда "Сўғдиёна"га қарши ўтказади. Ўйин олдидан қандай фикрдасиз?
- Ўйин осон бўлмайди. Мақсадимиз фақат ғалаба қозониш. Кўпчилик бу учрашувда “Локомотив”нинг ғалабасини тахмин қиляпти. Айтишим мумкин, “Сўғдиёна” ҳам осонлича таслим бўлмаса керак. Жиззах жамоаси бунгача икки бор ютқазди ва "Навбаҳор" билан дуранг ўйнади. Уларга ҳам очко керак. "Сўғдиёна" ҳам майдонга 100% тайёргарлик билан тушади. Биз эса доимгидек ўйинимизни кўрсатишга ҳаракат қиламиз. Энг муҳими бу иштиёқ ва руҳий тайёргарлик.

Дилдора Холбоева суҳбатлашди