Мануэль Нойер оёғини синдириб олди
10 дек 2022 18:15
Янгиликлар
Мануэль Нойер оёғини синдириб олди
"Бавария" сардори Мануэль Нойер чанғи учиш чоғида кутилмаганда оёғидан жиддий жароҳат олди.
Германиялик посбон таътил пайтида оёғини синдириб олган ва жарроҳлик амалиётини бошидан ўтказганини Instagram’даги саҳифасида маълум қилди. Воқеа содир бўлган пайтда тажрибали дарвозабон чанғи учаётган эди. Бу унинг энг камида бир неча ойларга сафдан чиққанини билдиради. У бутун мавсумни ҳам ўтказиб юбориши мумкин.

Мюнхен клуби ва Юлиан Нагельсманн энди жамоанинг ушбу нуқтасида жиддий қийинчиликка дуч келиши табиий. Энг тўғри йўл январдаги трансферлар ойнасига посбон излаб киришдир. "Монако"да ижарада бўлган Александр Нюбелни қайтариш варианти ҳам ўйлаб кўришга арзийди. Қатардаги мундиалда кўплаб дарвозабонлар порлади. Улардан бирортасини таркибга жалб қилишга уриниб кўриш ҳам мумкин.
Ўхшаш янгиликлар
championat.asia
Суперлига. Чемпионлик учун курашаётган "Насаф" ўз майдонида "Машъал"га мағлуб бўлди
Суперлига. "Бухоро" ўз уйида бир киши кам "Нефтчи"дан очко тортиб олди
ЖЧ U-17. Ўзбекистон Ирландияга имкониятни бой берди
Эшитдик-да! Кападзе Ўзбекистон терма жамоасидан кетди
Фикрлар