"Манчестер Юнайтед" - "Манчестер Сити" 4:2. Дерби мезбонларнинг ғалабаси билан якунланди!
12 апр 2015 21:55
Янгиликлар

"Манчестер Юнайтед" - "Манчестер Сити" 4:2. Дерби мезбонларнинг ғалабаси билан якунланди!

Англия премьер лигасининг 32-тури доирасида "Манчестер Юнайтед" - "Манчестер Сити" бахси бўлиб ўтди.

Манчестер Юнайтед – Манчестер Сити 4:2
12 апрель. "Олд Траффорд" стадиони.

Голлар: 0:1 – 8 Агуэро, 1:1 – 14 Янг, 2:1 – 27 Феллайни, 3:1 – 67 Мата, 4:1 – 73 Смоллинг, 4:2 – 89 Агуэро.

Манчестер Юнайтед – Де Хеа, Блинд, Жонс (Рохо, 75), Смоллинг, Феллайни (Фалькао, 83), Янг, Кэррик, Валенсия, Эррера, Мата (Ди Мария, 81), Руни.

Манчестер Сити – Харт, Сабалета, Демичелис, Компани (Мангаля, 46), Клиши, Фернандиньо, Сильва, Навас (Лэмпард, 74), Туре, Милнер (Насри, 63), Агуэро.
Огоҳлантиришлар: Милнер (24), Сильва (34), Компани (44).

90+3. Ниҳоят ўйин якунланди. Дерби мақомини олган бахсда "Манчестер Юнайтед" жамоаси "Манчестер Сити"ни 4:2 ҳисобида мағлубиятга учратди!

90+2. "Сити"нинг навбатдаги ҳужуми. Агуэро эса "офсайд"да. Де Хеа шошилмаяпти.

90. Ҳакам иккинчи бўлимга 3 дақиқа қўшиб берди.

89. ГОЛ! АГУЭРО! Ўнг қанотдан узатиб берилган тўпни аргентиналик ҳужумчи жуда кучли зарба билан Де Хеа дарвозасига жойлаб қўйди!

88. Майкл Кэррик жароҳат олди. Майдонни тарк этади шекилли. Афсуски, мезбонлар барча ўзгаришларни амалга ошириб бўлишган.

85. Феллайни ўрнига Фалькао майдонга туширилди.

84. Ди Мария фаоллик кўрсатиб ҳужум уюштиришга ҳаракат қилди. Бироқ, "Сити" ҳимоячилари ўз ўрнида.

82. Ўзгариш. Мата ўрнига Ди Мария.

79. Устунлик "Юнайтед" томонда. "Шаҳарликлар" жисмоний томонлама толиқиб қолдилар. Хар ҳолда бизга мана шундай туюлмоқда...

76. МЮ таркибида эса илк ўзгариш. Рохо майдонга туширилди. Фил Жонснинг ўрнига!

74. Меҳмонлар таркибида сўнгги ўзгариш. Хесус Навас ўрнига Фрэнк Лемпард майдонга тушди!

72. Яна ГОООЛЛЛ!!! Крис Смоллинг!!! Жаримадан узатиб берилган тўпни Смоллинг Харт дарвозасига киритди!!! 4:1!!! Давом этамиз!

70. Матанинг чап бурчакдан ошириб берган тўпига жамоадошларидан ҳеч ким ета олмади.

69. Мезбонлар олдинга чиқиб олишди. Қойил қолиш керак! Ўйин ажойиб давом этмоқда!

67. ГОООООЛЛЛЛ! ХУААААААН МАТАААА!!!! Рунининг ажойиб тўп узатишидан сўнг рақиб дарвозабони билан бирга-бир вазиятга чиқиб борган испаниялик футболчи жамоасининг учинчи голига муаллифлик қилмоқда!

65. Ўзгариш. Милнер ўрнига Самир Насри майдонга туширилди.

63. МЮ футболчиларидан бири Милнерга нисбатан қўполлик ишлатганди. Сариқ карточкага тортадиган вазият. Бироқ, ҳакам бу сафар ҳам мезбон футболчисини кечирди.

61. Самир Насри майдонга тушишга тайёргарлик кўрмоқда

58. Хесус Навас томонидан берилган зарбани Смоллинг бартараф этди.

53. Зарбааааа!!! Рунининг чамаси 25 метрлардан берган зарбасини Жо Харт қийинчилик билан бартараф этди.

51. Рунига нисбатан қўполлик ишлатишганди. Бироқ, учрашув ҳаками Клаттенбург буни симуляция сифатида баҳолади...

48. Навас ўнг қанотдан рақиб жарима майдончасига ажойиб тўп узатишни амалга оширганди. Бироқ, бунинг фойдаси бўлгани йўқ.

46. Танаффусда "Сити" таркибида ўзгариш юз берди. Сариқ карточка олган Компанининг ўрнига Мангала майдонга туширилди.

Иккинчи бўлим бошланди!

Танаффус!

45+2. Биринчи бўлим якунланди.

45+1. МЮ томонидан уюштирилган яна бир ҳужум самарасиз якунланди.

45. Биринчи бўлимдаги тўхталишлар учун ҳакам 2 дақиқа қўшиб берди.

44. Блиндга нисбата қўпол ўйнагани учун Компанига сариқ карточка кўрсатилди.

41. Ўйин ҳозирча тенг курашлар остида давом этмоқда. Кимдир яққол етакчилик қилмоқда деб айтиш қийин...

37. Мезбонларнинг навбатдаги ҳужуми. Бироқ... Ўйиндан ташқари ҳолат.

34. Сильва Матага нисбатан қўполлик ишлатгани учун сариқ карточка билан жазоланди.

32. Ўйин кутилганидан ҳам аъло даражада давом этмоқда! "Сити"нинг навбатдаги ҳужуми бурчак тўпи билан якунланди. Аммо, самарасиз...

27. ГОООООЛЛЛ!!! Феллайни!!!! Қойил. Мана бу ирода!!! Эшли Янг томонидан ошириб берилган тўпни бельгиялик футболчи боши билан рақиб дарвозасига жойлаб қўйди!

24. Милнерга сариқ карточка кўрсатилди.

22. Бурчак тўпидан сўнг кураш олиб борган Навасни ўйиндан ташқари ҳолатда қолган деб ҳисоблашди.

17. Ана энди "қизил иблислар" тўп назоратини қўлга олишган! Бахс жуда қизиқарли кечмоқда!

14. ГОООООЛ!!!! Эшли Янг!!! Рақиб ҳимоячисининг оёғига тегиб қайтган тўпни мезбонлар футболчиси бўш қолган дарвозага йўллади! Демак, 1:1!

11. Тўп назорати меҳмонлар томонда.

8. ГОООООЛ!!! Агуэрооооо!!!! Давид Сильванинг тўп узатишидан сўнг аргентиналик ҳужумчи тўпни дарвозага жойлаб қўйди. Бу ерда испаниялик футболчининг ҳаракатларига қойил қолиш зарур!

6. Ҳавфли вазият!!! Ҳимоячиларнинг хатосидан фойдаланган Хесус Навас Де Хеа билан бирга-бир вазиятга чиқиб борганди. Бурчак тўпи!

2. Клиши Хуан Матага нисбатан қўполлик ишлатди.

1. Ўйинни меҳмонлар бошлаб беришди.

-Ўйин бошланди!

- Жамоалар майдонга чиқиб келишмоқда.

-Ассалому алайкум ҳурматли футбол ишқибозлари! Бугун Англияда манчестер клублари ўртасида турнинг марказий учрашуви бўлиб ўтмоқда.

12 апрель, 20.00, «Олд Траффорд»

"Манчестер Юнайтед": Де Хеа, Валенсия, Смоллинг, Жонс, Блинд, Кэррик, Эррера, Мата, Феллайни, Эшли Янг, Руни.

"Манчестер Сити": Харт, Сабалета, Компани, Демичелис, Клиши, Туре, Фарнандиньо, Навас, Сильва, Милнер, Агуэро.

Ҳавола :

Манба : championat.asia

Янгиликларни Телеграмда ўқинг!

Рейтинг: