"Ман Сити" Лондонга ғалаба учун боради". Гвардиола — АПЛдаги чемпионлик пойгаси ҳақида
13 фев 2023 13:10
Янгиликлар

"Ман Сити" Лондонга ғалаба учун боради". Гвардиола — АПЛдаги чемпионлик пойгаси ҳақида

"Манчестер Сити" бош мураббийи Хосеп Гвардиола АПЛ мусобақа жадвалида 1-ўрин учун "Арсенал" билан кечаётган кураш ҳақида фикр билдирди.

"Арсенал" 51 очко билан биринчи ўринда, "шаҳарликлар" эса 3 очко ортда бормоқда. Шу билан бирга Гвардиола жамоаси кўпроқ ўйин ўтказди. Жамоалар 15 февраль куни ўзаро баҳс олиб боришади.

"Арсенал"нинг захира ўйини бор. Чемпионатнинг барча турлари ортда қолса, вазиятни кўрамиз. Биз Лондонга ғалаба қозониш учун борамиз.

Агар жамоа биринчи даврада 50 очко тўплаган бўлса, бу уларнинг жуда кучли эканлигини англатади. "Астон Вилла"га қарши жуда яхши ўйин ўтказиб, орадаги фарқни йўққа чиқардик", – деди Гвардиола.

"Арсенал" – "Манчестер Сити" учрашуви 15 февралдан 16 февралга ўтар кечаси 00:30 да старт олади.

Ҳавола :

Манба : Sky Sports

Янгиликларни Телеграмда ўқинг!

Рейтинг: +10