UZ

Сўнгги янгиликлар

23:37БАА футбол федерацияси ёшини сохталаштирган 18 нафар мисрлик футболчини депортация қилди  0 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  11 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  0 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  4 20:15"Локомотив" "SWM Motors" билан ҳамкорлик шартномаси имзолади  0 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  1 19:50Улуғбек Бақоев: "Футболда шунақаси ҳам бўлиб туради"  14 19:33Кварацхелия "Наполи"дан кетмоқчи эмас  2

АПЛ. "Сити"да йирик ҳисобдаги ғалаба, Махрездан хет-трик Янгиликлар

АПЛ. "Сити"да йирик ҳисобдаги ғалаба, Махрездан хет-трик

Англия чемпионати 10-туридан ўрин олган “Этиҳад”даги баҳснинг матнли трансляциясини кузатиб боринг.

"Манчестер Сити" – "Бёрнли" 5:0

22.00, «Этихад Стэдиум»

Гол: Махрез (6, 1:0), Махрез (22, 2:0), Менди (41, 3:0), Торрес (66, 4:0), Махрез (69, 5:0).

"Манчестер Сити" – Эдерсон, Менди, Уокер, Рубен Диаш, Стоунз, Родри (Фернандиньо, 46), Гюндоган, Ферран Торрес (Фоден, 67), де Брюйне, Марез, Габриэл Жезус.

"Бёрнли" – Пикок-Фаррелл, Лоутон, Тэйлор, Тарковски, Ми, Бенсон, Вествуд, Макнил, Барнс, Вуд (Питерс, 68), Родригес.

ЯНГИЛАШ

Учрашув якунланди! "Сити"дан йирик ҳисобдаги ғалаба ва Махрездан хет-трик!

Иккинчи бўлимга 3 дақиқа қўшиб берилди.

87. Фоден қанотдан тўпни марказга оширмоқчи эди. Тарковски хавфни бартараф этди.

83. Камбағални туяни устида ҳам ит қопади деганларидек, Жей Родригес яқин масофадан боши билан зарба бериб, гол ура олмади. Аниқроғи, у тўпга сакрай олмади.

80. Фоденнинг зарбаси рақибига тегиб, бурчакка чиқиб кетди.

79. Эдерон аутнинг ёнида тўп олдида пайдо бўлиб, бир қанча қадам ташлади ва тўпни аутга чиқариб юбора олди.

77. Йўқ! Гол инобатга олинмади. Қайтамиз, 5:0. ВАР автоголдан қутқариб қолди.

76. ГООООООЛЛЛЛ!!! Жезуснинг зарбасидан кейин дарвозабон ўз дарвозасини ишғол қилмоқда. Вазият ВАР орқали кўриб чиқилмоқда. Эхтимолий оффсайд бўлиши мумкин.

73. Бенсоннинг зарбаси ноаниқ кетди.

69. ГОООООООООООЛЛЛ!!! Махрез бугун хет-трик қайд этадиган бўлди!

66. ГОООООООООООЛЛЛЛ!!! Жезуснинг пасидан кейин Торрес ҳам ўз номини таблога ёздириб қўйди ва ўрнига Фоден майдонга тушди.

62. ЗАРБАААААА!!! Вествуднинг жаримадан йўллаган зарбаси жонли девордаги футболчига тегиб, дарвоза устунининг ёнидан ўтиб кетди. Гол бўлиши мумкин эди!!!

61. ЗАРБАААААААА!!! Жей Родригеснинг кучли зарбасини Эдерсон қайтарди. Қайтган тўпни тепишга чоғаланаётган Макнилни рақиблари йиқитди. Ажойиб нуқтадан жарима зарбаси!

59. "Сити" яна бир ажойиб ҳужум ташкил қилаётганди. Бироқ Ми тўпни Жезусдан олиб қўйди.

56. УХХХХ!! Фернандиньонинг қанотдан оширган тўпи Жезусга мўлжалланганди. Лоутон тўпни бурчакка чиқариб юборди.

53. МакНейл узоқ масофадан "Сити" дарвозасини нишонга олди. Тўп дарвозанинг устки қисмидан ўтиб кетди.

48. "Сити"дан ажойиб ҳужум! Жезуснинг пасидан кейин Махрез 18 метрлардан трибунани нишонга олди.

46. Иккинчи бўлим ўзгариш билан бошланди. Родри ўрнига Фернандиньо майдонга тушди.

Танаффус! "Сити"нинг катта устунлиги остида ўтган тайм якунланди.

45. Вествуд ҳужумдаги Вуд томон тўпни узатганди. Эдерсон тўпни ушлаб олди.

41. ГООООООООЛЛЛЛЛ!!! МЕНДИИИИИ!!! Ассистент вазифасини яна бир бор Де Брюйне бажармоқда. Кевиннинг пасини Менди тўхтатмасдан дарвозага жойлаб қўйди!

37. "Бернли" ниҳоят ҳужумга ўтганди. Бироқ Барнснинг боши билан йўллаган зарбаси Уокернинг елкасига тегди ва ҳужум бартараф этилди.

33. "Бернли"нинг пасларида браклар кўп. "Сити" эса "эконом режим"га ўтиб олди.

30. УХХХХ!! Пикок-Фаррелл хато қилишга сал қолди. Стерлинг уни таъқиб қилди. Посбоннинг тепган тўпи Раҳимнинг оёғига тегиб, майдонни тарк этди.

26. ГОЛ! ЙЎҚ!! Жезус боши билан берган зарбаси орқали гол урганди. Бироқ гол нима учун инобатга олинмаганини тушунмадик. 

25. УХХХХХХ!!! Пикокнинг олдинга чиқиб кетганини кўрган Де Брюйне узоқ масофадан тўпни дарвозага тушириб қўймоқчи бўлди. Посбон жойига қайтиб тўпни қайтарди.

22. ГООООООООООЛЛЛЛ!!! Уокернинг аутган оширган тўпидан кейин Махрез рақибларини истаганича алдаб, осонлик билан иккинчи голини урди!

19. Уокернинг узоқ масофадан йўллаган зарбаси анчагина ноаниқ кетди. Ҳимоячиларга ҳос зарба!

14. Гвардиола шогирдлари доимгидек тўпни ушлаб туриш билан овора.

10. "Сити"дан яна бир ҳужум. Де Брюйненинг пасидан кейин Махрезнинг боши билан берган зарбаси ўхшамади.

6. ГОООООООООЛЛЛЛЛ!!! "Сити"дан ўзининг услубидаги гол! Де Брюйненинг пасидан кейин Махрез бирга бир вазиятдан унумли фойдаланди!

3. "Сити" жарима зарбасига эга бўлди. Махрезнинг ҳаволатиб оширган тўпини ҳимоячилар қайтариб юборишди.

1. УЧРАШУВ БОШЛАНДИ!

- Жамоалар Диего Марадона хотирасига бир дақиқа давомида қарсак чалиб туришди. Жуда яхши кўраман инглизларнинг урф-одатини.

- Демак, жамоалар майдонга чиқиб келишди.

- Ҳурматли футбол мухлислари! "Этихад"даги ўйинга эътиборингизни тортамиз. Бугун ушбу ўйингоҳда "Сити" "Бёрнли"га қарши ўйнайди.

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика