Маъмур Икромов: "Бугунги ўйинда ҳам дарвозада Зуҳуров турса керак"

Мазкур баҳсдан олдин, сайтимиз орқали сизларга мураббийлар ва футболчиларнинг фикрларини бериб бормоқдамиз. Бу сафарги навбат Маъмур Икромовга етиб келди.

"Металлург" посбони ўйинолди фикрларини билдирар экан, жумладан шундай деди: “Футболчилармиз сафардаги дастлабки баҳсда ёмон ўйин кўрсатишмади. Иорданиялик футболчилар ўйиннинг бошларида, ҳужумкорликни оширишга ҳаракат қилишди. Бироқ кейинчалик, рақиб футболчилари чарчаб қолди шекилли, йигитларимиз устунликни ўз қўлига олишди. Ўйинни назорат қилиш ва тўпни ушлаб туриш борасида усунликка эришдик деб ўйлайман”.

“Бундай плей-офф баҳслари олдидан, бирор бир жамоани имкониятини юқори баҳолаш қийин. Лекин бугун терма жамоамизнинг, ўз майдонида мухлислар қаршисида ўйнашини инобатга оладиган бўлсак, бироз устунлик биз томонда дейиш мумкин. Тахминан, 2:0 ёки 3:0 ҳисобида ғалаба қозонамиз”.

“Дастлабки ўйинда дарвозада турган Мурод Зуҳуров ёмон ҳаракат қилмади. Менимча, бугунги ўйинда ҳам дарвозани Зуҳуров қўриқласа керак. Шунингдек таркибда ҳам катта ўзгаришлар қилинмаса керак”.


Исломбек Рустамбеков ёзиб олди