UZ

Сўнгги янгиликлар

14:45Про лига. "Олимпик-MobiUz" – "Машъал". Таркиблар маълум  0 14:08Шенсни "Юве"да қолиши учун маоши камайишига рози бўлиши керак  0 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  2 13:09"Бавария" "Штутгарт" вингерига кўз тикди  0 12:46"Манчестер Юнайтед" Каземирога ўринбосар топди  2 12:20Эшитдик-да! ФИФА "Бунёдкор"га илк санкцияни қўллади  20 11:48Клоппнинг ассистенти "Аякс" бош мураббийига айланиши мумкин  0 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  20 10:57Пеп Гвардиола «Манчестер Сити»даги келажаги борасида бир қарорга келди  5 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  8 09:3410 ойга четлатилган Тонали яна узоқ муддатга дисквалификация қилиниши мумкин  3 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  18

Максим Шацких: "Бизга Аббоснинг креативлиги етишмаяпти" Янгиликлар

Максим Шацких: "Бизга Аббоснинг креативлиги етишмаяпти"

"Пахтакор" ҳамда "Сурхон" ўртасидаги Суперлиганинг 12-тур ўйинидан (1:0) сўнг мезбонлар устози Максим Шацких матбуот анжуманида иштирок этди.

- Ўйин ҳақидаги фикрларингиз?

- Яхши ўйин бўлди деб ўйлайман. Имкониятларимиз бор эди, улардан фойдалансак каттароқ ҳисобда ғалаба қозонишимиз мумкин эди. Муҳими ғалаба ва 3 очкони кулга киритганимиз.

- "Навбаҳор" биринчи ўринга кўтарилиб олди, лекин "Пахтакор"да эса захирада бита ўйин бор. "Пахтакор"га бу қўшимча босим берадими?

- Йўқ, биз мусобақа жадвалига қарамаймиз. Бизда ўзимизнинг мақсадлар бор ва бошқа жамоаларга қараб иш қилмаймиз.

- "Сурхон"га қарши тайёргарлик қураётганларингизда айнан қайси жиҳатларга эътибор берган эдингиз, "Сурхон" жамоасининг кучли томонларини айтиб ўта оласизми?

- "Сурхон" ёш ва чанқоқ жамоа. Биринчи таймда "Сурхон" кучга тўла эди ва шу сабаб улар ўз позицияларини ва зоналарини ёпишга улгураётган эди. Иккинчи таймда эса биз ўз ўйинимизни намойиш эта бошладик ва "Сурхон" бор ёғи бир нечта ҳужум уюштирди. Муҳими уч очкони қўлга киритдик. Ҳозирги кунда "Пахтакор"га қарши ҳар бир жамоа максимал тарзда ўйнайди. Осон ғалабалар кутмаймиз.

- Рашидов билан нима рўй берди? У икки ўйиндан бери жамоа таркибида йўқ.

- Унда соғлиқ билан муаммо бор ва шу сабаб у жамоага ёрдам бера олмаяпти.

- Бор йўғи бита ўзгариш қилдингиз? Бунга сабаб нима?

- Тўғриси бизнинг захира ўриндиғимизда U19 жамоасининг футболчилари. Улар майдонга тушириш катта таваккал, сабаби улар ўйин темпига мослашиб кета олмаслиги мумкин. Агар ёш футболчиларни майдонга туширсам, улар руҳий босим остида қолиб кетишади ва ўзига ишончни ёқотиб қўйиши мумкин. Бизда захирада Ҳолматов бор эди, лекин уни ҳам майдонга туширсам ўйин темпига киришиб кетиши муаммо бўлиши мумкин эди.

- "Пахтакор"нинг ёш футболчиси Аббосбек Файзуллаев, ҳозир ёшлар ўртасидаги жаҳон чемпионатида иштирок этмоқда. Аббоснинг йўқлиги жамоа ўйинига таъсир ўтказмоқдами?

- Албатта, Аббос ҳозир бизга етишмаяпти. У тез ва юқори техникага эга, у ақлли футболчи бизга унинг креативлиги етишмаяпти. Агар Аббос таркибимизда бўлганида биз анча яхшироқ ўйин намойиш этар эдик.

- Жаҳон чемпионатидан сўнг Аббоснинг "сўвчи"лари кўпайса, уни қўйиб юборар эдингизми?

- Бундай ҳолатларда, мен ҳар доим футболчининг ўзини эшитаман ва унинг фикрига қулоқ тутаман. Бизнинг жамоа ҳеч қачон футболчининг хоҳиши сиз, футболчини сотмайди. Агар футболчи ўзи хоҳласа унга имконият берамиз. Менинг фикримча, у "Пахтакор"да қолиши керак унга кўпроқ тажриба керак. Осиё ва жаҳон чемпионати барибир ёшлар даражасида. Катта футболи эса ёшлар футболидан бир оз фарқ қилади.

Рейтинг: +16   

Фикрлар

championat.asia
< сўнгги янгиликларни кўриш
Яндекс.Метрика