Мадрид клуби Адама Траорени текинга қўлга киритмоқчи

“Атлетико” раҳбарияти 27 ёшли футболчини эркин агент сифатида ўз сафига қўшиб олмоқчи. Траоренинг “бўрилар” билан шартномаси жорий ёз ўз ниҳоясига етади.

Футболчи “Барселона” тарбияланувчиси ҳисобланади. У Англияда “Астон Вилла”, “Мидсбро” каби жамоалар шарафини ҳам ҳимоя қилган. 2022 йил январида эса “Барса”га қайтди ва ижара асосида июнгача ўйнади. Каталонияликларда Траорени 30 млн еврога сотиб олиш ҳуқуқи бор эди, аммо улар бундан фойдаланмади.

Испаниялик жорий мавсум АПЛда 21 баҳсда қатнашиб, 1+1 натижага эришди. У 2018 йил августидан бери “Вульвз” шарафини ҳимоя қилиб келмоқда.