Лoтар Маттеус: «Криштиано Роналдо – "Олтин тўп" учун курашда фаворит, Месси – аутсайдер»

Шахсий фикримча, Роналдо "Олтин тўп"га асосий даъвогар, Месси эса бу борада аутсайдер. Роналдо киритилган голлари эвазига совринни илиб кетса керак.
Одатда жаҳон чемпионати барча нарсани ҳал қилиши керак, лекин Ронулдонинг голлари қолган барча-барчасини ҳал этиб қўймоқда. Менимча, у фаворит. Роналдо ҳар ҳафта ўзининг голлари билан ҳаммани лол қолдиришда давом этмоқда.

Месси - аутсайдер. Сабаби, у бу мавсумни кўпинча жароҳати билан ўтказиб юборди. Мундиалда ҳам ўзидан кутилган ўйинни намойиш этиб бера олмади. Аммо ФИФА уни чемпионатнинг энг яхши футболчиси деб топди. Бу унга қилинган совға бўлди.

Нойерга келадиган бўлсак, у дарвозабонлар учун янги ўйин услубини очди. У эндиликда 11-футболчи сифатида ҳам ҳаракатлана олмоқда. Нойер кўпинча "тозаловчи" ролида ҳам ўзини кўрсатмоқда. Мануэль Нойер ўзининг ўйинлари билан нафақат европада, балки бутун дунёда машхур бўлди. Мундиалда Нойер жуда ажойиб ва ғаройиб ўйнади. Германияни жаҳон чемпиони бўлишида Мануэль Нойернинг хизматлари катта бўлди.