"Локомотив" ОАВ вакилларини касб байрами билан қутлади

Футболнинг мамлакатда янада оммалашиши ҳамда ривожланишида оммавий ахборот воситалари ходимларининг ўрни муҳим аҳамият касб этади.

Айнан шуни ҳисобга олиб, кеча “Локомотив” футбол клуби юртимизнинг турли нашрларида фаолият олиб бораётган футбол журналистларни чорлаб, уларни байрам билан қутлади.

Журналистларнинг футбол ривожи йўлида олиб бораётган ишларини қадрлаб, уларни касб байрами билан табриклаш мақсадида уюштирилган ушбу тадбирда Championat.Asia, Uff.uz, Stadion.uz интренет нашрлари, “Футбол Экспресс”, “Интрефутбол” газеталари, “Спорт” телеканали вакиллари таклиф этилди. Ташриф буюрган меҳмонлар учун байрам дастурхони ёзилди. Шунингдек улар “Локомотив” футбол клуби бош мураббийи ҳамда футболчилар билан суҳбат қуриш имконига эга бўлишди.

Тадбир сўнггида клуб номидан уларга эсдалик совғалар топширилди.