“Локомотив-БФК”– Хоразм вилояти чемпиони

Бир неча кун давом этган учрашувлар Урганч шаҳридаги “Динамо” ўйингоҳида уюштирилди.

Мазкур мусобақада воҳанинг 18 та жамоаси иштирок этди. Барча ўйинлар қизиқарли ўтди. Айниқса, ярим финал баҳслари кескин кечганлиги билан мухлисларда илиқ таассурот қолдирди. Натижада, ушбу икки ўйин бир хил ҳисобда якун топди, 1:0. Урганчнинг “Локомотив-БФК” жамоаси вилоят марказининг бошқа бир жамоаси “Интернат-Намуна”ни, “БЎСМ-1”(Хива) жамоаси эса “Динамо”ни ана шундай ҳисобда мағлубиятга учратди.

3-ўрин учун бўлиб ўтган ўйинда “Интернат-Намуна”чилар “Динамо” вакиллари устидан 2:0 ҳисобида устун келишди. Ҳал қилувчи учрашувда Анвар Алимов устозлик қилаётган “Локомотив-БФК” ёш футболчилари  хивалик тенгқурларини йирик, 3:0 ҳисобида доғда қолдиришиб, вилоят чемпионлигини қўлга киритишди.

Икром ХУДОЙБЕРГАНОВ.