Лионель Месси: “Роналду буюк футболчи”

-Сиз АПЛда тўп тепиш имкониятларини кўриб чиқишингиз мумкинми?

-Мен ҳар доим айтиб келганман: “Барселона” менга футболда барча нарсани берди. Шу сабаб мен бу ерда кўпроқ, клуб мени қанча вақт қолишимни истаса ўшангача жамоада қолиш ниятидаман.

-Жорий мавсумда АПЛда ким чемпион бўлиши мумкин?

-Бу лигада рақобат жуда жиддий. Ўтган мавсумдаги ҳолат бунга мисол бўла олади. Шу сабаб олдиндан бир нарса дейиш жуда қийин. Албатта, Гвардиола жуда омадли мураббий.  Ишонаманки, у бу лигада ҳам муваффақиятларга эриша олади.

-Роналду ўрталарингиздаги ўзаро ҳурмат ҳақида гапирганди. Сиз уни қандай баҳолайсиз? Бошқа бир сиз каби энг яхши футболчининг ўйини сизга янада шиддатли бўлишга ундайдими?

-Албатта ўртамизда ўзаро ҳурмат бор. Мен уни юксак натижаларни қўлга кирита олган буюк футболчи сифатида биламан. Менинг иштиёқим, ҳохишим доимо “Барселона” ва Аргентина терма жамоасида яхши ўйин кўрсатиш ва албатта, мухлислар ҳам, -дейди Месси.