UZ

Сўнгги янгиликлар

17:25Альфонсо Дэвис "Бавария" билан янги шартнома имзоламайди  0 17:01"Бунёдкор" янги бош мураббий номини эълон қилди  6 16:20"Евро-2024"да ҳеч ким Англия билан тенглаша олмайди"  5 15:57"Қизилқум" "Локомотив" билан ўйин учун қайдномасини эълон қилди  0 15:44ПРО-Лига. Турнинг марказий учрашуви асосий таркиблари маълум  2 15:26Суперлига. 4-тур учрашувларини ўтказиб юборадиган футболчилар  2 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  5 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  8 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0

Лига 1. "Оранж Велодром"да ғолиб номи аниқланмади Янгиликлар

Лига 1. "Оранж Велодром"да ғолиб номи аниқланмади

Франция чемпионати 10-туридан ўрин олган "Марсель" – ПСЖ учрашуви якунига етди.

Франция чемпионати 

10-тур

Марсель – ПСЖ 0:0 

«Оранж Велодром»

Марсель – Лопес, Чалета-Цар, Луан Перес, Салиба, Лирола, Камара (Гуйе, 71), Пайет, Ронжье (де ла Фуэнте, 71), Ундер (Жерсон, 78), Гендузи, Милик (Дьенг, 78).

ПСЖ – Навас, Хакими, Маркиньос, Кимпембе, Мендеш, Ди Мария (Керер, 61), Данилу Перейра, Верратти (Гейе, 45+4), Месси, Неймар (Вейналдум, 83), Мбаппе.

Огоҳлантиришлар: Ронжье (18), Данилу Перейра (85), Маркиньос (85).

Четлатиш: Хакими (57).


Баҳс нурсиз дуранг билан якунланди! Хизматингизда Шерзод Нурматов бўлди. Кейинги учрашувларда ғойибона кўришгунча! 

90+1. Пайетнинг бурчакдан ошириб берган тўпига меҳмонлар ҳимоячилари эгалик қилишди.

90. Иккинчи таймга ҳам биринчи бўлимдаги каби 4 дақиқа қўшиб берилди.

87. Димитри Пайетнинг жаримадан берган айланма зарбаси жонли деворга тегди. 

85. Маркиньос давомий эътирозлар учун огоҳланитириш олди. 

85. Данилу Перейра тўпни қўли билан ўйнагани боис огоҳлантирилди.

83. ПСЖда ўзгариш: Неймар ўрнига Вейналдум туширилди.

81. ПСЖ тўпни майдон марказида сақлаб турибжи. Меҳмонлар темпни пасайтиришяпти. 

78. "Марсель"да 2 та алмаштириш: Милик ўрнига Дьенг, Ундер ўрнига Жерсон ўйинга қўшилди.

76. Димитри Пайет бурчак тўпини амалга оширди. Унинг узатмаси ҳимоячилар томонидан бартараф қилинди.

74. Парижликлар қисқа паслар орқали ҳужум ташкил этишга уринишмоқда.

71. "Марсель"да 2 та ўзгариш: Ронжье ўрнига де ла Фуэнте, Камара ўрнига Гуйе ўйинни давом эттиради. 

69. Тило Керер ичкарига пас узатди, аммо унинг ҳеч бир жамоадоши тўпга улгурмади.

67. Килиан Мбаппенинг зарбаси йўлига ҳимоячилардан бири тўғаноқ бўлди.

65. Ууух! Валентен Ронжьенинг бош билан берган зарбаси дарвоза устуни олдидан ўтиб кетди. Таймдаги энг хавфли вазиятлардан бири!

63. Пайетнинг узатмасидан кейин ҳимоячилар ишончли ўйнаб, тўпни узоқлаштиришга эришдилар.

61. ПСЖда алмаштириш: Ди Мария ўрнига Керер тушди. 

59. Зарбааа!  Пайетнинг жаримадан йўллаган зарбасига аниқлик етишмади. 

57. Даҳшат!  Жарима тўпи белгиланди ва Хакимига қизил карточка кўрсатилди! 

56. ВАР ишга тушди. Вазият текширилмоқда. Бош ҳакам ВАР мониторини кўргани кетди. 

54. Ундер Хакими билан тўнашувдан сўнг жарима майдони чизиғи устида йиқилди. Ҳакам Ундер тўпни қўли билан ўйнаганини билдирди.  

51. Килиан Мбаппе тўпни қўли билан ўйнади ва ҳакам ҳуштаги чалингач, ажабланди. 

49. Ундернинг хавфли кўриниш ҳосил қилиши мумкин бўлган узатмаси Маркиньос томонидан бартараф этилди.

46. Иккинчи тайм бошланди! 

Биринчи бўлим тугади. Ҳозирча ҳисоб очилмади. 

45+4. ПСЖда ўзгариш: жароҳатланган Верратти ўрнига Гейе тушди. 

45+2. Женгиз Ундер ноқулай тўпни ўзига бўйсундирди, аммо зарбада адашди.

45. Биринчи таймга 4 дақиқа қўшилди.

43. Зарба! Лионель Месси ҳисобни очишига оз қолди. Тўп чап устуннинг бир неча сантиметр ёнидан ўтиб кетди. 

41. Ууух!  Женгиз Ундер деярли бирга-бир ҳолатда зарба берди, Хакими унга халақит қилишга улгурди. Якунда бу вазиятда офсайд борлиги маълум қилинди. 

37. Лионель Мессининг кучли кўринишдаги узатмасини ҳимоячилар бартараф этишди.

35. Лионель Месси тўпни қабул қилиб олди ва пастки бурчакни нишонга олди, бироқ Лопес қийинчиликка учрамади.

32. Лирола ҳимоячилар томонидан тўхтатилди, бироқ мезбонлар бурчак тўпига эга бўлишди. Пайетнинг узатмаси кутилганидек чиқмади.

30. Неймарнинг бурчакдан оширган пасидан сўнг Мбаппе ноаниқ зарба йўллади.  

28. Баҳс трибунадаги тартибсизликлар туфайли тўхтатилди. 

26. Зарба! Ди Мариянинг ҳаволатиб узатган пасидан кейин Месси бош билан зарба берди, Лопес тўпни қайтарди. 

24. Учрашув жиддий курашларга бой тарзда давом этмоқда. Мухлисларнинг "Велодром"ни тўлдириб ўтиришлари эса футболчиларга ҳам ўзгача завқ бағишламасдан қолмайди. 

22. Оббо!  Яна офсайд, яна ВАР ишга тушди. Бекор қилинган голлар бўйича ҳисоб – 1:1. Давом этамиз. 

21. ГООООООООООООООООООООООООООЛ!  Арадиуш Милик чамаси 9 метрлардан чап оёқда кучли зарба йўллаб, ҳисобни очди – 1:0!  

18. Ронжье Мендешга нисбатан ишлатган қўполлиги туфайли сариқ карточка олди. 

16. Гол инобатга олинмади. ВАР офсайд юзага келганини қайд этди.

14. ГООООООООООООООООООООООООООЛ!  Неймарнинг зарбасидан кейин Луан Перес ўз дарвозасини ишғол этиб қўйди – 0:1! 

12. Месси чап қанотда бўш турган ди Марияни топди, сергак турган Ронжье унга имконият бермади.

Афсонавий Тьерри Анри "Оранж Велодром"да 

10. Анхель ди Мариянинг ичкарига оширган тўпи ўзи ўйлаганидек жамоадошларига бориб тушмади. 

7. Ронжье ди Мариядан тўпни олиб қўйиб, олдинга ўтди ва Пайетга пас узатди, францяликнинг Милик томон амалга оширган узатмаси эса муваффақиятсиз чиқиб қолди.

6. Поль Лироланинг ичкарига кроссидан кейин ҳимоячилар тўпни қайтаришди.

4. Нуну Мендешга рақибга нисбатан қўполлик ишлатгач, жарима белгиланди. Пайет ижросидаги узатмадан сўнг Милик бош билан зарба берди, ноаниқ.

1. Ўйин бошланди! 

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика