UZ

Сўнгги янгиликлар

00:50"Ливерпуль" Кьезани Чемпионлар Лигаси қайдномасига киритмагани маълум бўлди  0 00:32Элдор ва Аббос сафда, Кападзенинг кайфияти чоғ – миллий жамоа машғулотларидан ГАЛЕРЕЯ  1 00:10U-23 Осиё кубоги саралаши. Ўзбекистон жойлашган гуруҳнинг иккинчи баҳсида Қирғизистон Кими Меркнинг дубли эвазига Фаластинни енгди  2 23:50Португалия президенти марҳум Диогу Жотани орден билан тақдирлади  1 23:18"Пахтакор" 5 нафар тарбияланувчиси учун 432 миллион сўм олади  0 22:44Ўзбекистон U-17 терма жамоаси ўртоқлик ўйинида Англияга ютқазди  9 22:25Антони "Бавария" таклифини рад этганини айтди. У "Бетис"га берган сўзида турган  1 21:55"Атлетик" ФИФА Лапортни рўйхатдан ўтказишни рад этганини тасдиқлади  1 21:36Ла Лигада ой мураббий бўлиш учун номзодлар номи эълон қилинди. Флик улар орасида йўқ  7 20:55Ла Лигада август ойининг энг яхши ўйинчиси бўлиш учун номзодлар номи эълон қилинди  3 20:25Равшан Ҳайдаров: "Бутун ўйин давомида устунликка эга бўлдик, тўпни назорат қилдик"  13 19:59A Bola: Лёвдан сўнг Бенту ҳам Ўзбекистонга "йўқ" деди  106 19:50Фарруҳ Сайфиев Туркманистон билан баҳсда дарвозабонга атайин жароҳат етказдими?  11 19:33Аббос Файзуллаев: "Туркияга мослашиш қийин бўлмади"  3 17:37Фермин ва Гави қизлар туфайли жанжаллашиб қолганми?  1

Лицензиялаш жараёни ҳал қилувчи паллада: бу йил лицензия олувчи клублар сони кўпроқ бўлади Янгиликлар

Лицензиялаш жараёни ҳал қилувчи паллада: бу йил лицензия олувчи клублар сони кўпроқ бўлади

Теглар :  Лицензиялаш
ЎзПФЛ йил аввалида “Клубларни лицензиялаш регламенти” ишлаб чиқди ва унинг ижросини мавсум давомида назорат қилиб борди.

Бунда 5 асосий тамойил: спорт, инфратузилма, ишчи-ходимлар, ҳуқуқий, молиявий мезон бўйича зарур ҳужжатлар тўплами асосий омил ҳисобланади.

Масалага ёндошув ўз самарасини берди ва биринчи бор ҳар бир клуб махсус платформага ҳужжатларни тўлиқ жойлади. Илгари халқаро майдон учун имкони бор клубларгина лицензиялашга жиддий эътибор берган, қолган клублар талабни деярли бажармаган.

Шунингдек, тарихда илк бор Про лига клублари ҳам лицензия олиш учун потенциал номзодга айланди. Клуб давлат ёки давлат улуши бор корхона томонидан молиялаштириляптими, демак у лицензиялаш шартларида ўтиш учун интилиши шарт экани белгиланди. Бу эса табиийки, лицензияга даъвогарлар сонининг кўпроқ бўлишини таъминлайди.

Шу кунгача профессионал клубларимиз дуч келган энг катта муаммо аудиторлик ҳисоботлари билан боғлиқ бўлган. Аниқроғи, клублар ўзлари билган текширувчилар билан ҳамкорлик қилишга интилган, оқибатда ОФК томонидан белгиланган профессионал талаб бажарилмаган. 2021 йилда эса ЎзПФЛ бу масалани тартибга келтиришга эришди. Биз аудиторлик хулосалари халқаро стандартлари асосида ОФК платформасига жойлаштирилишни уддаладик. 

Бу қандай амалга ошди? ЎзПФЛ бу йўналишда ОФК билан бир неча бор музокара олиб борди ва якунда барча клублар учун аудиторлик ҳисоботи бўйича ягона наъмуна ишлаб чиқилди. Шу тариқа Суперлига ва Про лига клублари талаб асосида тажрибага эга бўлган аудиторлик фирмаси томонидан халқаро аудит стандартлари бўйича аудиторлик текширувидан ўтказилди. Шу тариқа ОФК платформасига молиявий ҳужжатлар тўплами бир хилда — талаб этилган кўринишда юкланди. Айнан шу жиҳат ОФК лицензияси учун даъвогарлар сонини кескин оширди.

Маълумот учун, 2016 йилдан бошлаб ОФК лицензиялаш талабларини қатъийлаштириб, уни янги босқичга олиб чиқа бошлади. Шу тариқа 2018 йил ОФК лицензиясига санкциясиз эга чиққан клублар сони 4 тани ташкил қилди, 2019 йилда эса бу кўрсаткич 6 тага етди. 2020 йилда биз мазкур рақамни 7 тага олиб чиққандик. Тез орада 2021 йилги ҳаракатларимиз натижаси эълон қилинади. Ишонамизки, бу рақам энди 10 тадан кам бўлмайди ва улар орасида Про лига клублари ҳам бўлади.   

 

Зохиржон Акрамхонов,

ЎзПФЛ клубларни лицензиялаш ва халқаро алоқалар бўлими бошлиғи 

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика