Лено бугун "Арсенал" сафида дебют қилади
20 сен 2018 15:22
Янгиликлар

Лено бугун "Арсенал" сафида дебют қилади

"Арсенал" бош мураббийи Унаи Эмерининг сўзларига кўра, ёзда харид қилинган дарвозабон Бернд Лено бугун "Ворскла"га қарши бўлиб ўтадиган Европа лигаси учрашувида майдонга тушади.

"Бернд Лено "Ворскла" билан баҳсда иштирок этади. Унга ўйин амалиёти керак. У Европа лигасидаги барча ўйинларда дарвозамизни қўриқлаши аниқ эмас, чунки ҳар бир ўйиндан олдин қарорни мен қабул қиламан.

Чемпионат бошланиши олдидан Ленога дарвозабонлар билан боғлиқ ҳолат ҳақида айтиб берган эдим. Ҳозирча Чех хафсаламни пир қилгани йўқ. У яхши ўйнаяпти ва жамоага фойда келтирмоқда. Бу Ленога ҳалақит қилмайди, у машғулотларда яхши ишламоқда ва ҳар бир имкониятдан унумли фойдаланишга тайёр" - дейди Эмери.

"Арсенал" - "Ворскла" учрашуви 21 сентябрга ўтар кечаси 00:00да бошланади.

Ҳавола :

Манба : A Bola

Янгиликларни Телеграмда ўқинг!

Рейтинг: +2