Бўлажак мавсум олдидан "Челси" Хаким Зиеш ҳамда Тимо Вернернинг трансферини расмийлаштириб бўлган. Улар учун клуб 86 млн фунт сарфлайди. Лэмпард эса трансферлар ойнасидаги режаларини якунлаганича йўқ.
Англиялик мутахассисга "Лестер" ҳимоячиси Бен Чиллуэлл, "Вест Хэм" таянч ярим ҳимоячиси Деклан Райс ва "Байер" плеймейкери Кай Хаверц керак бўлмоқда. Ундан ташқари, "Аякс"дан Андре Онана ҳам нишонга олинган.
Агарда "Челси" кўзланган футболчилар билан келишувга эриша олса, уларнинг умумий трансфер нархи 200 млн фунтни ташкил қилиши кутилмоқда.
