"Inter" hujumchisi "Barselona"ga qarshi ilk o'yinning birinchi bo'limida jarohat orttirib olgan va ikkinchi bo'limda maydonga tushmagandi.
Bugun aniqlanishicha, futbolchining chap boldiri mushaklarida jarohat kuzatilgan. Avvaliga futbolchining 2-3 haftaga safdan chiqqani yozilgandi. Bugun "Sky Sport Italia" yozgan ma'lumotiga ko'ra, futbolchi 7-10 kunni o'tkazib yuboradi. Uning "Barselona"ga qarshi javob o'yinida qaydnomaga kiritilishi uchun imkoniyat bor.
Javob o'yini 6 maydan 7 mayga o'tar kechasi o'tkaziladi.
