Лангле АПЛ жамоасига ўтмоқда, бу "Тоттенхэм" эмас
31 авг 2023 11:27
Янгиликлар

Лангле АПЛ жамоасига ўтмоқда, бу "Тоттенхэм" эмас

"Барселона" ва Франция терма жамоаси ҳимоячиси Клеман Лангле Бирмингемнинг "Астон Вилла" клубига ўтади.

Бу ҳақда AS ёзмоқда.

Манбага кўра, Англия клуби футболчини бир йил муддатга ижарага олади. "Астон Вилла" франциялик футболчига солиқлар билан бирга йилига 16 миллион еврони ташкил этувчи маошни тўлиқ тўлашга рози.

Олдинроқ Лангле Саудия Арабистонининг "Ал Насср" клубига 10 миллион евро ва 5 миллион евро бонус эвазига ўтишга яқин тургани ҳақида хабар берилганди. Бироқ сўнгги лаҳзада трансфер амалга ошмай қолди.

Лангле 2018 йилнинг ёзидан буён "Барселона" сафида тўп тепади. У Каталония клуби сафида 160 та ўйин ўтказиб, 7 та гол урган ва 3 та голли узатмани амалга оширган. "Барселона" таркибида Испания чемпиони, Испания Кубоги соҳиби бўлган ва Испания Суперкубогини ҳам қўлга киритган.

Ҳавола :

Манба : AS

Янгиликларни Телеграмда ўқинг!

Рейтинг: +1