UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  5 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  4 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  29 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

Ла Лига. "Барселона" мавсумни голсиз дуранг билан бошлади Янгиликлар

Ла Лига. "Барселона" мавсумни голсиз дуранг билан бошлади

Испания чемпионати 1-туридан ўрин олган баҳс тафсилотларини ушбу саҳифада кузатиб бордингиз.

Барселона – Райо Вальекано 0:0

«Камп Ноу»

Барселона – тер Штеген, Араухо, Кристенсен (Роберто, 61), Эрик Гарсия, Альба, Бускетс, Педри (Кессье, 73), Гави (де Йонг, 61), Левандовски, Дембеле, Рафинья (Фати, 61).

Райо Вальекано – Дмитриевски, Балиу, Лежен, Катена, Фран Гарсия, Трехо (Хосе Посо, 84), Гарсия, Унаи Лопес, Паласон (Сальви, 79), Сисс, Камельо (Фалькао, 62).

Огоҳлантиришлар: Дембеле (14), Трехо (45), Катена (45+5), Лежен (55), Фалькао (69), Бускетс (74), Сисс (86), Дмитриевски (89)

Четлатиш: Бускетс (90+3)

МАТНЛИ ТРАНСЛЯЦИЯ

ЯНГИЛАШ


Учрашув 0:0 ҳисобида якунланди! Хизматингизда Шерзод Нурматов бўлди. Кейинги баҳсларда ғойибона кўришгунча! 

90+8. Финиш! 

90+5. Сальвининг зарбасидан кейин тер Штеген қойилмақом сейв намойиш қилди! 

90+3. Бускетс Фалькаога нисбатан қўполлик ишлатди ва иккинчи сариқ карточкани олиб, майдондан четлатилди.  

90+3. Жамоалар дарвоза томон берган зарбалар сони бўйича "Барса" катта устунлик билан олдинда – 21:2! 

90+2. Кессье ҳужум чоғида Сиссги нисбатан қоидани бузди. 

90. Иккинчи таймга 8 дақиқа қўшиб берилди. 

89. Дмитриевски вақтни чўзгани учун сариқ карточка билан жазоланди. 

88. Аввал Фатининг зарбасини даврозабон қайтарди, сўнгра Кессье дарвозани ишғол этди, аммо унда офсайд бор эди. 

87. Ансу Фатининг жарима зарбасидан бериган зарбаси аниқ чиқмади. 

86. Левандовски Сисс томонидан қоида бузилган ҳолда тўхтатиб қолинди, сариқ. 

84. Зарбаааа!  Дастлаб Обамеянгнинг зарбасини ҳимоячилар қайтарган бўлса, Левандовскининг зарбасига аниқлик етишмади. 

84. "Райо Вальекано"да ўзгариш: Трехо ўрнига Хосе Посо ўйинга қўшилди.

82. "Барселона"да ўзгариш: Альба ўрнига Обамеянг майдонга тушди.

82. Уууух! Робеееерт Левандоооовскиииининг чап оёқда йўллаган зарбаси дарвоза устуни олдидан ўтиб кетди... 

81. Зарбааа! де Йонгнинг пасидан кейин Дембеле зарба йўллади, тўп йўлига ҳимоячилар тўғаноқ бўлишди. 

79. "Райо Вальекано"да ўзгариш: Паласон ўрнига Сальви ўйинни тугатиб қўяди. 

75. Ууух! Кессье қаҳрамонга айланиши мумкин эди, Дембеле қанотдан оширган тўпни Кессье дарвоза ортидаги трибуна томон йўналтирди... 

74. Бускетс Трехони йиритди ва сариқ карточка олди. 

73. "Барселона"да алмаштириш: Педри майдонни тарк этди, ўрнига Франк Кессье туширилди.

71. Футболчилар сув ичиб олишлари учун имконият яратилмоқда. Кичик танаффус! 

69. Радамель Фалькао Бускетсга нисбатан қўпол ўйнади ва сариқ карточкага лойиқ кўрилди.

69. Зарбаааа! Левандовскининг зарбаси ҳимоячиларга тегиб қайтди, кейин Бускетс зарба берди, унинг хавфли йўналиш олган тўпини Дмитриевски қайтарди!  

65. Зарбаааа! Дембеленинг пасидан кейин Фати дарвозани нишонга олди, дарвозабондан сейв!  

62. "Райо Вальекано"да алмаштириш: Камельо ўрнига Фалькао ўйинни давом эттиради. 

61. "Барселона"да 3 та ўзгариш: Кристенсен ўрнига Роберто, Рафинья ўрнига Фати, Гави ўрнига Френки де Йонг тушди.

60. Рафинья ўзи билмаган ҳолда Балиунинг оёғига тепди, ҳакам жарима белгилади. 

57. Рафинья бурчак зарбасини ижро қилди, аммо тўп рақиб бошини кўрди :)

55. Лежен қоидани бузгани боис огоҳлантирилди. 

54. Вау-вау-вау! Рафииииииньянинг зарбаси рикошет орқали Левандовскига келиб тушди, аммо Дмитриевски ўз вақтида реакция кўрсатиб, тўпни эгаллаб олди.

52. Ууууух! Қандай вазият! Серхио Камельо ҳимоячиларни алдашни уддалади. Пенальти нуқтасидан зарба берди, бироқ мўлжалда озгина адашди.

51. "Барселона" вазият ҳосил қилишга киришганди, аммо Жорди Альба ўйиндан ташқари ҳолатда қолиб кетди.

46. Роберт Левандовски узатмадан кейин тўпни қабул қилиб олиб, уни Рафиньяга узатди. Бироқ ҳимоячи тўпни майдон ташқарисига кузатиб қўйди, бурчак зарбаси.

46. Иккинчи тайм бошланди! 

Биринчи тайм тугади. Ҳозирча ҳисоб очилмади. Танаффус! 

45+5. Катена кечиктирилган фоль учун жазоланди. 

45+2. Уууух! Альваро Гарсия Араухони устамонлик билан алдаб, зарба йўллади, аммо тер Штегени ўз жойида эканлигини кўрсатиб, жамоасини муқаррар голдан асраб қолди.

Биринчи таймга 5 дақиқа қўшилди.

45. Оскар Трехо Педрига нисбатан қўполлик ишлатди ва огоҳлантирилди.

44. Ууух! Сал қолса Левандовски битта пас билан Дембелени бирга-бир ҳолатга чиқариб юбориши мумкин эди...

41. Столе Дмитриевски Роберт Левандовски томон узатилган тўпни дарвозадан чиқиб келиб, эгаллашга эришди.

38. Роберт Левандовски бош билан зарба беришга ҳаракат қилди, бироқ сал аниқлик етишмади. 

37. Уйқудан кечиб, томоша қилишга арзийдиган ўйин бўляпти. Нима дедингиз? 

36. Зарбаааа!  Дембеленинг пасидан сўнг Педри дарвозанинг пастки ўнг бурчагини пойлади, сал ноаниқ. 

34. Дембеле бир ҳимоячини чалғитиб, чап оёқда зарба берди, анча кучсиз... 

32. Иси Палазоннинг узатмаси яхши чиқмади. Тўп майдон ташқарисига чиқиб кетиб қолди.

31. Серхио Бускетс тўпни узоқлаштираман деб, рақибга нисбатан қўполлик ишлатиб қўйди. "Райо"да жарима зарбаси.

30. Оскар Треходан узатма, бироқ ўхшамади, бу гал янада нозикроқ ҳаракат қилиши керак.

27. Тўпга эгалик қилиш бўйича статистика: 73% – 27%

25. Оскар Трехо Педрига нисбатан қоидани бузди. "Барса" стандартга эга бўлди.

24. Яна Рафинья катта саҳнада! Унинг олисдан йўллаган зарбасидан кейин тўп Дмитриевскининг қўлига бориб тушди. 

22. Эрик Гарсия ўзи билмаган ҳолда қанотда Камеллонинг юзига қўли билан зарба бериб юборди.

20. Зарба! Усмон Дембеленинг қулай пасидан сўнг Рафинья ноаниқ зарбага муаллифлик қилди. Тўп дарвоза тўсини устидан ўтиб кетди.

19. Иван Баллининг узатмаси сал омадсиз чиқди, тўпга унинг ҳеч бир жамоадоши эга чиқмади. 

17. Ууух! Рафиньянинг ерлатиб йўллаган зарбаси анча ноаниқ кўриниш касб этди. Ҳозирча ундан омад юз ўгиряпти.

14. Усмон Дембеле Пате Кисга нисбатан қоидага номувофиқ ўйнади ва сариқ карточка билан жазоланди.

12. ГОООЛ!   Левандовскининг зарбасидан кейин ҳимоячи автогол муаллифига айланди, бироқ Роберт офсайдда қолгани қайд этилди.  

12. Яна Рафинья ўзини кўрсатишга ҳаракат қилди. Унинг чап оёқда йўллаган зарбаси дарвозага етиб бормади ва рақибга тегиб қолди. 

10. Вау! Рафинья жарима майдончаси ичига ёриб кириб, йиқилди. Аммо такрорий вазиятга қарасак, бу ҳолатда пенальти йўқлиги маълум бўлди. 

7. Тер Штеген бир неча марта юқори прессинг остида қолиб кетган бўлса-да, ҳар гал ушбу қийин ҳолатдан чиқиб кетди. 

5. "Барселона" ҳар доимгидек тўп назоратини қўлга олди. Ўйинчилар қисқа паслар билан ўйнашмоқда.

3. "Барселона" дастлабки ҳужумни уюштирди. Бускетс чап қанотдан олдинга бораётган Альбанинг йўлига пас оширди, чап қанот ҳимоячисининг узатмасини эса ҳимоячилар қайтаришди. 

1. Биринчи таймга старт берилди. Уни "Райо Вальекано" бошлаб берди. 

- Бугунги тўқнашувни Алехандро Эрнандес бошчилигидаги ҳакамлар бригадаси бошқариб боради.

- Футболчилар майдонга чиқиб келишмоқда. 

"Камп Ноу" учрашувни қабул қилишга шай!

- Ассалому алайкум, қадрли футбол ихлосмандлари! Бугун "Барселона" Испания чемпионатидаги юришини бошлайди. Илк рақиб – "Райо Вальекано". Мазкур баҳсни яқин 2 соат ичида сиз билан биргаликда кузатиб борамиз. 

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика