UZ

Сўнгги янгиликлар

03:19Эрон Про лигаси. "Трактор" ўз уйида ғалабага эришди, Ҳамробеков бир бўлим ҳаракат қилди  0 03:10А Серия. "Ювентус" "Кальяри"ни, "Милан" "Лацио"ни мағлуб этди  2 03:03Саудия Арабистони Қирол кубоги. "Ал Ҳилол" ва "Ал Иттиҳод" ўз рақибларини йирик ҳисобда мағлуб этди  0 03:00АПЛ. "Тоттенхэм" Лондон дербисида "Фулхэм"га мағлуб бўлди  2 02:57Ла Лига. "Атлетико" ўз уйида Серлотнинг дубли эвазига "Реал Овьедо"ни қийинчиликсиз мағлуб этди  0 02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  2 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  57 23:35Суперлига. "Навбаҳор" – "Пахтакор" 1:1  0 23:14Лига 1. "Монако" ўз уйида ПСЖни мағлуб этди  9 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18 21:49Акмал Рустамов: "Келаси йил кучлилар орасида бўлишни хоҳлаймиз"  1 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  2

Ла Лига. "Барселона" бор аламини "Кадис"дан олишга уринади Янгиликлар

Ла Лига. "Барселона" бор аламини "Кадис"дан олишга уринади

Бугун, 18 апрель куни, Ла Лига 32-тури доирасида "Барселона" - "Кадис" беллашуви бўлиб ўтади.

"Барселона"

Еврокубоклардаги иштирокини ЕЧЛда бошлаган "Барселона" кутилган натижага эриша олмади ва учинчи ўрин орқали Европа Лигасига равона бўлишди.

Плей-оффда илк рақиб "Наполи" бўлди ва Хави жамоаси неаполликларни анча осон (икки ўйин натижасига кўра 5:3) енгди. Кейинги раунддаги рақиб Туркиянинг "Галатасарай" клуби бўлди. Турк гранди жиддий қаршилик кўрсатган бўлсада, савия бобида устун бўлган каталонияликлар кейинги босқич йўлланмасини қўлга киритди.

Яхши спорт формасига кириб олган "Барса" бир неча кун аввал кутилмаганда "Айнтрахт"га ўз уйида (2:3) ютқазиб қўйди ҳамда мусобақани тарк этди.


Чемпионатда 30 ўйиндан кейин "Барселона" ҳисобида 17 ғалаба ва 9 дуранг бор. Ҳозирча иккита кўп ўйин ўтказган "Реал" билан орадаги фарқ 15 очко. Сўнгги икки турда жамоа "Севилья" (1:0) ва "Леванте"ни (3:2) мағлубиятга учратди.

Умтити, Фати, Роберто, Педри жароҳат сабаб, Араухо эса дисквалификация туфайли баҳсни ўтказиб юборади. Пикенинг жамоага ёрдам бера олиши сўроқ остида.  


Қизиғи, охирги 3 та ўзаро ўйинга қарасак, "Кадис"нинг устунлигига гувоҳи бўламиз (1 ғалаба, 2 дуранг). "Барса" бирор марта бу рақибни енга олмаган. 


"Кадис"

"Кадис" Испания олий лигасида 14-мавсумини ўтказмоқда. Мазмунли ўйин ва қониқарли натижаларга бой бўлган ўтган мавсумдан кейин буниси унча ўхшамаяпти. Натижалар қаноатлантирмагач, раҳбарият январь ойида бош мураббийни алиштирди - бошқарувни Серхио Гонсалес ўз қўлига олди. Аммо ўтган вақт давомида мутахассис вазиятни, ҳозирча, кескин ўзгартира олгани йўқ.

Испания Кубогида жамоа унчалик ёмон ўйин кўрсатмади дея оламиз. "Вилья Фортуна" (7:0) ва "Альбасете" (1:0)дан кейин "сариқ-кўклар" "Хихон"ни таслим этишди. Бироқ чоракфиналда "Валенсия"га имконият бой берилди (1:2).

Ла Лигада андалусияликлар 5 ғалаба ва 13 дуранг орқали 28 очко жамғаришган ҳамда 18-поғонани эгаллаб туришибди. Ўтган тур жамоа "Бетис"га мағлуб бўлди (1:2).

Бугун меҳмонларга Рубен Алькараз ва Вараздат Ароян ёрдам бера олмайди. Флоиран Андоне ҳамда Исаак Карселеннинг ўйинда иштирок этиши сўроқ остида.

Албатта бу жуфтликда яққол фаворит мезбонлар. Катта куч билан ҳимояланиши кутилаётган "Кадис" Европа Лигасидан чиқиб кетган ва кайфияти унчалик яхши бўлмаган "кўк-анорранглилар" билан дуранг ўйнаса ҳам хафа бўлмаса керак. Тиғиз тақвим ва охирги омадсизликлар "Барселона"га таъсир ўтказмай қолмасада, Хави жамоаси Примера аутсайдерларидан бирини таслим этиш учун майдонга тушади.


Муаллиф : Omonjon To`xtamirzayev
Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика