Криштиану Роналду яна бир рекордни такрорлади
10 сен 2025 08:40
Янгиликлар

Криштиану Роналду яна бир рекордни такрорлади

Португалия сардори Криштиану Роналду ЖЧ-2026 Европа саралаш босқичи доирасида Венгрияга қарши ўйинда (3:2) пеналтини голга айлантириб, ўз номини тарихга ёзди.

Бу гол билан 40 ёшли Криштиану жаҳон чемпионати саралаш босқичидаги ўзининг 39-голини урди ва худди шундай голлар сони бўйича гватемалалик Карлос Руиснинг рекордини такрорлади. Учинчи ўринда Аргентина терма жамоасининг юлдуз Лионел Месси жойлашган бўлиб, унинг ҳисобида 36 та гол бор.

Роналду Португалия терма жамоасида 18 ёшида дебют қилган. Бу 2003 йилнинг 20 августида Қозоғистон билан ўртоқлик учрашувида (1:0) содир бўлганди. Ҳужумчи терма жамоадаги илк голини Евро-2004 гуруҳ босқичида Грецияга қарши ўйинда (1:2) киритган.

Ҳавола :

Манба : championat.com

Янгиликларни Телеграмда ўқинг!

Рейтинг: +8