Криштиану Роналду: "Бу "Ювентус" сафидаги биринчи совриним ва бундан жуда ҳам бахтиёрман"

"Жуда оғир ўйин бўлди. Бу каби шароитларда ўйнаш жуда қийин эди. Биз жуда яхши ҳаракат қилдик ва кўплаб вазиятлар яратдик. Шубҳасиз, ғалаба тўпини киритганимдан бахтиёрман. 2019 йилни соврин билан бошлаш ниятим бор эди. Энди "Ювентус" билан эришган биринчи титулга эгаман ва жуда ҳам бахтлиман. Бу фақат бошланиши. Биз қадамма-қадам борамиз. Суперкубокни қўлга киритдик. Янада кўплаб совринларни ютишимиз учун чин дилдан ўз устимизда ишлашимиз керак бўлади.

А Серия ҳар доим "Ювентус"нинг асосий мақсади бўлиб келган. Айни вақтда турнир жадвалини бошқармоқдамиз. Аммо, олдинда узун ва машаққатли йўл кутиб турибди. Шунинг учун ҳам ишлашда давом этишимиз керак. Мен бу голимни оиламга, дўстларимга, "Ювентус" ва Роналдуни севадиган дунёдаги барча инсонларга бағишлайман", – дея Роналдунинг сўзларини келтиради Football Italia нашри.