Учрашувнинг асосий ва қўшимча бўлимларида ҳисоб очилмади. 105-дақиқада Криштиану Роналду пенальтидан унумли фойдалана олмади. Лекин, пенальтилар сериясида Роналду ва унинг шериклари ғалабани ўзлариники қилишди. Ўйиндан сўнг бош мураббий Роберто Мартинес терма жамоа сардорини эътироф этди.
"Роналду - ҳаммамиз учун намуна. У ўзининг олтинчи Европа чемпионатини ўтказмоқда ва хоҳиш, ишонч ҳамда жавобгарликни ҳис қилмоқда. У ҳеч кимга ҳеч нимани исботлаши шарт бўлмаган инсон учун ниҳоятда ҳиссиётли.
Ўйинда пенальтини ура олмаганидан кейин у ҳаммадан олдин серияда биринчи бўлиб тепиши кераклигини айтди ва буни амалга оширди. Кийиниш хонасида ҳамма ҳайратда эди. Футбол қийинчиликларни яратади, биз португал футболи билан фахрланамиз", - деди Мартинес.
