Коутиньо "Барселона"да қоладиган бўлди

"Mundo Deportivo" хабарига кўра, якунланган мавсумни "Бавария" таркибида ижарада ўтказган бразилиялик Каталония клуби қароргоҳига етиб келган ва жамоа билан машғулотлар ўтказмоқда. Жамоанинг янги бош мураббийи Рональд Куман футболчига имкон бермоқчи ва бошқа клубларга қўйиб юбормоқчи эмас.

Аммо клуб раҳбарияти футболчи учун сўралаётган 120 млн еврони тўлайдиган харидор чиқиб қолса, хавбекни сотиб юбориши ҳеч гап эмас. Ўтган йили Мюнхен клуби футболчини шунча суммага сотиб олиш имконияти билан ижарага олганди, бироқ улар бундан фойдаланишмади.