Коутиньо: "Барселона" МЮни Чемпионлар лигасидан чиқариб юборса, икки баравар хурсанд бўламан"
08 апр 2019 14:38
Янгиликлар

Коутиньо: "Барселона" МЮни Чемпионлар лигасидан чиқариб юборса, икки баравар хурсанд бўламан"

"Барселона" ярим ҳимоячиси Филиппе Коутиньо "Манчестер Юнайтед"га қарши бўлиб ўтадиган Чемпионлар лигаси 1/4 финал учрашуви ҳақида фикр билдирди.

"Олд Траффорд"да маҳаллий мухлислар менга ва Луис Суаресга хуштак чалишса бундан ҳайрон бўлмайман, чунки биз МЮнинг ашаддий рақиби "Ливерпуль"да тўп тепганмиз. Бундан ташқари, бу яхшироқ ўйнаш истагини оширади. "Ливерпуль" сафида тўп тепганимда, МЮга қарши баҳслар ўзгача аҳамиятга эга эканлигини тушунганман. Бу доимо хотирамда қолади, агар "Барселона" "Юнайтед"ни Чемпионлар лигасидан чиқариб юборса, икки баравар хурсанд бўламан.

"Ливерпуль" мухлислари ушбу баҳсда бизни қўллаб-қувватлашади. Аммо улар кейин "Энфилд"да учрашишимизни яхши билишади. У ерда ҳам зафар қучишни хоҳлайман. Яна Ливерпулда ўйнаш - орзу. Аммо тўғрисини айтсам, улар билан финалда ўйнашни истаган бўлардим" - дейди Коутиньо.

"Манчестер Юнайтед" ҳамда "Барселона" ўртасидаги илк ўйин 10 апрель куни "Олд Траффорд"да бўлиб ўтади. Жавоб ўйини 16 апрелда ўтказилади.

Ҳавола :

Манба : Mirror

Янгиликларни Телеграмда ўқинг!

Рейтинг: +21