Конте: "Тоттенхэм"га ўйин тақдирини ҳал қиладиган етакчи етишмаяпти"

"Тоттенхэм" икки ўйин натижасига кўра, "Милан"га 0:1 ҳисобида ютқазди ва ЕЧЛни 1/8 финалда тарк этди. 

"Биринчи ўйинда ҳар икки жамоага етакчи ўйинчилар етишмаганди. Бугунги баҳсда эса "Милан" уларни қайтара олишнинг уддасидан чиқди. Меньян уларнинг жамоасида муҳим футболчи. У оёғида ажйоиб ўйнайди ва бизнинг босимимиздан самарали тарзда чиқиб кета олди. 

Биринчи бўлимда бизга хотиржамлик етишмади. Дастлабки дақиқаларданоқ олдинга бориб, юқори босим уюштиришни мақсад қилгандик. Аммо "Милан" бунга дош бера олди. Мен йигитларни айблай олмайман, чунки улар қўлларидан келганини қилишди. 

Биз йўлимизнинг ўртасидамиз. Ўтган йилгига қараганда кучайдик ва бу жараён янада яхшиланиши керак. Бундай ўйинларда бизга ўйин тақдирини ҳал қилиб қўя оладиган етакчи етишмаяпти. Энди чемпионатга асосий эътиборни қаратиб, мавсумни имкон қадар яхшироқ поғонада туғатишимиз керак", - деди Конте.