Конте: “Бундай ўйинларда рақибни илк сониялардан “ўлдириш” керак”

“Албатта, натижа у қадар яхши эмас ва ҳафсаламиз пир бўлди. Бу оғриқли ҳолат, чунки бундай ўйинларни илк сониялардан яхши бошлаб, рақибни “ўлдириш” керак. Агар умид берсангиз, уларнинг ўйинда ўзига бўлган ишончи ортади ва яхши ҳаракат қилишади. Кейин эса исталган нарса содир бўлиши мумкин.

Аввало шуни айтишим керакки, “Мидлсбро” яхши ўйнади. Улар хурматга лойиқ, уларни ғалаба билан табрикламоқчиман. Биз эса ўз ўйинимиз, кўрсатган даражамиз ҳақида ўйлашимиз лозим. Сафарда ўтган учрашувларда баҳс натижасини олдиндан ҳал қилишга ҳаракат қилиш зарур.

Бу иш жараёнининг бир қисми ҳисобланади. Кўтарилиш ва пасайишлардан қочишга интилишимиз керак. Вазиятни яхшилашнинг ягона йўли эса кўпроқ меҳнат қилиш ва мағлубиятлардан сабоқ олишдир. Мавсумнинг қолган қисмига бор кучимизни сарфлашимиз лозим”, дейди Конте.