UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  5 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  5 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  30 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

Ким, аслида, қандай мураббий? Янгиликлар

Ким, аслида, қандай мураббий?

Сизни ҳам баъзи нарсалар хайрон қолдириб турадими? Илон Маскнинг ракетаси, бир сўзи билан биткоинни тушириб юбориши, Тошкент метросининг 2021 йил бошидан бери техник носозликларга тез-тез учраши, хуллас, Шпакнинг магнитафони дейди-ку. Шунчаки эслаб ўтдим, бесабаб.

Мени, стадионда футбол кўриб ўтирган вақтим, бирор футболчининг супер голидан кўра трибунада ўтирган мухлисларнинг футболчиларга нима қилишларини ўргатиши, кимдир қўнғироқ қилиб қолса, унга ўйин ҳақида гапириши хайрон қолдиради. Aввало, жамоат жойида ўтирибди. Ёнидаги шериги ўзининг таниши бўлиши мумкин, аммо ундан юқоридаги ёки пастидаги инсон бегона бир мухлисдир. У стадионга, катта эҳтимол билан, дам оламан, деб келган бўлиши мумкин.

"Бунёдкор"нинг уй ўйинларига борганимда VIP хоналардан бирида Вадим Aбрамов ва бошқа мураббийларни кўраман. Терма жамоамиз мураббийи футболчиларни кўришга келгандир, (балки футбол кўриб дам олишга, ким билсин дейсиз тағин ҳам) деб ўйлайман. Ўйинни 90 дақиқа кузатадиган мутахассис баъзи-баъзида шериклари билан майдонга қўл узатиб ўзаро гаплашишади. Баъзида эса телефон орқали гаплашаётганда ҳам майдон томонга қўлларини чўзиб гаплашади (мен ҳам кўчада телефонда гаплашганимда қўлимни қимирлатиб гаплашаман). Қайсидир бир ўйинда ҳамкасбимиз "Ким билан гаплашяпти, деб ўйлайсиз?", деган савол бериб қолганди. 

"Бунёдкор" — "Насаф" ўйинидан кейинги матбуот анжуманида Фаҳриддин Рўзиев матбуот анжуманида мен бир кўрсатувда, адашмасам, "андижонча рақс" тушиши орқали таниган Шуҳрат Мақсудовга ("Бунёдкор" бош мураббийи) "футбол жамоатчилиги орасида "Шуҳрат Мақсудов қўғирчоқ мураббий, аслида ҳамма ишни Вадим Абрамов бажаради" қабилида гап-сўзлар юрибди. Бунга қандай изоҳ берасиз?" деган саволни бериб қолди. Мақсудов эса элнинг оғзига элак тутиб бўлмаслигини, ким нима дейишининг унга қизиғи йўқлигини таъкидлади. Қизиқаётганлар бўлса келиб машғулотларини кўриши мумкинлигини айтганди. "Вадим Карленовични нафақат "Бунёдкор"га, балки бошқа жамоаларни ўйинларига бориб кузатишга, терма жамоа таркибига жалб этилган футболчиларни назорат қилишга ҳаққи бор, фикримча", — дея қўшимча қилганди Мақсудов.

Ҳа айтганча, яқинда хабар чиққанди "Эшитдик-да" рукни остида. Унга кўра, 14 май куни бўлиб ўтган AГМК — "Бунёдкор" баҳсида  Ўзбекистон терма жамоаси бош мураббийи Вадим Абрамов "Бунёдкор" кийим алмаштириш хонасига кирган. ПФЛ комиссари қаршилигига қарамай Абрамов собиқ клуби ечиниш хонасига кирган экан. 

Кеча бўлиб ўтган "Бунёдкор" — "Навбаҳор" ўйинида Вадим Aбрамовни кўрдим. Телефонда гаплашдими, йўқми, эътибор қилмадим. Aслида, унинг телефонда гаплашиши-ю, нимани муҳокама қилиши, бу — ўзининг иши. 

Aпрел ойида "Навбаҳор" мураббийлар штабига уч нафар янги мутахассис қўшилди. Жамоанинг мураббийлар штабидан Григорий Колосовский, Аугустин Чирица ва Антон Майеранов ўрин олишди. Бунга “Навбаҳор”нинг баъзи ўйинларда омадсизликка учрагани сабаб этиб кўрсатилган эди (тўғрида, янги мураббийлар янгича фикр беришлари мумкин, масалан). 

"Навбаҳор" матбуот хизмати ўша вақтда мураббийларнинг фаолияти ҳақида маълумот тақдим этган эди. Григорий Колосовский 2012 йили “Пахтакор”да бошлаб, шу кунгача Самвел Бабаян ҳамда Виктор Жалилов билан биргаликда “Спартак” (Юрмала, Латвия), “Локомотив” (Тошкент) ва “Чанчунь Ятай” (Хитой) клублари ҳамда Ўзбекистон миллий терма жамоасида фаолият юритган экан. Менимча, бу мураббийни "Навбаҳор" матбуот хизмати берган маълумотдагидек Самвел Бабаян билан биргаликда ишлаганини кўпчилик билса керак. 

Кеча мен ўтирган CIP секторда Григорий Колосовский ҳам ўтирган экан. Ўйин вақти майдондаги футболчиларни чақириб, уларга кўрсатма беришга ҳаракат қилди. Телефон орқали ҳам гаплашди, адашмаётган бўлсам. 1-бўлимдан сўнг, менимча, кийиниш хонасига кириб кетди ва 2-бўлим бошида яна ўз жойига чиқди. 

Aммо боя айтганимдек, унинг телефонда гаплашиши-ю, футболчиларга гапириши, бу — ўзининг иши.

Ўзбекистон кубоги доирасидаги "Навбаҳор" — "Олимпик" ўйинидан кейинги матбуот анжуманида Виктор Жалилов Самвел Бабаян ва "Навбаҳор" атрофидаги миш-мишлар ҳақида гапириб ўтиб, уларга изоҳ бермаслигини, Бабаян билан тез-тез гаплашиб, маслаҳатлашиб туришини айтиб ўтди. "У ҳам мендан тавсия олиб туради. Муносабатларимиз яхши. Бошқа ҳар қандай гап-сўзлар ҳақида ҳеч нарса билмайман", — дейди Жалилов.

Эътибор берсак, оддий мухлис ҳам трибунада футболчиларни чақириб, уларга гапириши, кимдир билан телефонда ўйин ҳақида гаплашиши мумкин (Даврон Файзиев ҳали "Сўғдиёна"да ишлаб юрган вақтлари трибунадаги мухлис билан ўйин вақти айтишиб кетгани ёдимда). Майдондаги футболчилар ҳам мухлисларни қисман бўлса-да эшитади. 

Шуҳрат Мақсудов ҳам, Виктор Жалилов ҳам ўзини ҳурмат қилган мураббийлигига ишонаман. Уларнинг иккиси ҳам гап-сўзларга изоҳ бериб ўтган. Бири машғулотга таклиф этган бўлса, яна бири фикр алмашиб туришини, бошқа ҳеч нарсани билмаслигини айтди. 

Бир нарсадан, Ўзбекистондаги барча-барча футбол клубларининг бош мураббийлари чиндан ҳам ўзларига берилган вазифа эгаси эканликларига, бошқа ҳеч ким жамоадаги бош мураббийнинг ишларига аралашмаслигига умид қиламан.

Оғабек Самисов

Муаллиф : Og'abek Samisov
Рейтинг: -1   

Фикрлар

championat.asia
< сўнгги янгиликларни кўриш
Яндекс.Метрика