Кейн: "Тоттенхэм" дурангга ҳам лойиқ эмасди"

"Шак-шубхасиз, оғир ўйин бўлди. Биринчи бўлимни етарли даражада яхши ўтказа олмадик. Прессингда интенсивлик етишмади, тўпни ушлаб тура олмадик. Шу сабабли жазоландик.

Иккинчи бўлимда эса камчилик бўлаётган жихатларни яхшилай олдик деб ўйлайман. Гол ургандан кейин тезда ўтказиб юбориш ҳам ёқимсиз. Бироқ сўнгги дақиқада гол уриш ажойиб бўлди. Аммо бундан мамнун бўлишимиз керак, кучли рақиб майдонидан бир очко билан қайтяпмиз.

Лекин биз дурангга лойиқ эмасдик. Охиригача курашдик, кўплаб вазиятларга эга бўлдик ва фақатгина сўнгги дақиқадаги вазиятдан фойдалана олдик. Сафарда очко олиш ёқимли, бироқ ишлаш керак бўлган жиҳатлар жуда кўп", - деди Кейн.