UZ

Сўнгги янгиликлар

18:27Суперлига. "Қизилқум" – "Локомотив". Таркиблар маълум  0 18:01Суперлига. ОКМК - «Бунёдкор» таркиблари маълум  0 18:00Максим Шацких: "Украина терма жамоаси ҳозирги таркиб билан Еврода узоққа бориши мумкин"  3 17:26Про лига. "Машъал" сафарда "Олимпик-MobiUz" билан дуранг ўйнади  3 17:11АПЛ болбойларнинг ўйинга таъсирини чеклайди  1 16:45МЮ "Ювентус" футболчиси учун ўз вингерини беришга ва қўшимча тўлов қилишга тайёр  1 16:11"Барселона" тарбияланувчисини қайтармоқчи  1 15:41"Ницца" АПЛ клублари қизиқаётган ҳимоячиси учун нарх белгилади  0 15:10ПСЖнинг 2 нафар футболчиси сафга қайтди  0 14:08Шенсни "Юве"да қолиши учун маоши камайишига рози бўлиши керак  0 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  7 13:09"Бавария" "Штутгарт" вингерига кўз тикди  0 12:46"Манчестер Юнайтед" Каземирога ўринбосар топди  2 12:20Эшитдик-да! ФИФА "Бунёдкор"га илк санкцияни қўллади  31

"Келаётган легионер футбол ўйнасин ва оладиган пулини оқласин" — Асрор Алиқулов "Қизилқум"нинг трансферлари ҳақида Янгиликлар

"Келаётган легионер футбол ўйнасин ва оладиган пулини оқласин" — Асрор Алиқулов "Қизилқум"нинг трансферлари ҳақида

"Қизилқум" бош мураббийи Асрор Алиқулов бугун бўлиб ўтган "Сўғдиёна"га қарши ўртоқлик учрашувидан сўнг фикрлари билан ўртоқлашди.

Тажрибали мутахассис трансферлар, тайёргарлик жараёнлари ҳақида ҳам гапирди. 

"Биринчи йиғинимизни Навоий шаҳрида олиб бордик. Бунда асосий эътибор маҳаллий ёшларга қаратилди, сараланиб олинди. Жамоани шакллантиряпмиз. Ўтган йили тўп тепган кучли футболчилар тарк этишган. Уларнинг ўрнини аста-секин тўлдиряпмиз. Ўзим ҳам Про лигадан Суперлигага ўтдим. Мақсад биринчи навбатда мураббий сифатида ўсиш. "Қизилқум" бу йил яхши ўйин кўрсатиб мухлисларни хурсанд қилади, деган умиддаман. 

Футболда ҳеч қачон осон бўлмайди. Лекин 10та лимит қўйилгани бироз қийинчилик туғдиряпти. Ҳар бир футболчини жамоага таклиф қилишдан олдин яхшилаб ўйлаяпмиз",- дейди Асрор Алиқулов. 


- Трансферлар ва футболчилар билан келишишда қайси жиҳат қийинчилик туғдиряпти?

- Биринчи галда молиявий томон. Чунки катта шартномалар қилолмаймиз. Таклиф қилаётган футболчиларимиз молиявий шартларимизга ҳам тўғри келиши керак. Иккинчи томони футболчини ўйин услуби. 

- "Шўртан"га қараганда "Қизилқум"да ишлаш енгиллик туғдиряптими?

- "Шўртан"даги қийин даврни кўп эслашни истамайман. Ҳозир жамоага келган мураббийга анча осон. Чунки Про лигада анча шаклланди. Ёш бўлса ҳам тажриба тўплади. "Қизилқум"га келганимда ҳам деярли таркиб 90 фоиз ўзгарганди. Бу ерда ишлаш осонроқ, футболчиларнинг даражаси, имкониятлари баланд. 

- Жамоага легионерлар келиши ҳақида эшитдик. Шундай паллалар бўладики йиғинда ўзини кўрсатган хорижлик футболчилар расмий ўйинларда йўқолиб қолишади...

- Бу борада адашишга, хато қилишга ҳаққимиз йўқ. Ўзимиз билган легионерларни таклиф қиляпмиз. Айримлари жамоада ўтган йили ҳам ўйнаган, яна 2 нафари тез орада келади.  Мураббийлар штаби бу борада адашмадик, деб ўйлайман. Келган легионер футбол ўйнасин. Раҳбарият ажратган маблағни оқлашини хоҳлаймиз. 

- ПФЛ томонидан трансферларни аниқ тартибга солинаётгани, лимитларга қандай муносабатдасиз? 

- Бу тўғри. Ҳозир футболчиларнинг талаблари ошгани, агентлари бир нечта вариантлар таклиф қилади. Лимит қайсидир томонлама яхши яъни футболчиларни кўчиб ўтишини назарда тутяпман. Лекин бошқа томонлама қийичилик туғдириши турган гап. 

- Футболчилар билан қанча муддатга мўлжалланган шартнома имзоланяпти?

- Маҳаллий футболчилар билан кўп йиллик шартнома имзолаяпмиз. Жамоа янгидан шаклланяпти. Футболчилар бир хил ўйин кўрсатмаслиги мумкин. Унинг ўйини, иштиёқидан келиб чиқиб мавсум ўртасида яна узайтирилиши мумкин. 

Муаллиф : Iskandarov Abdulaziz
Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика