“Келажак юлдузлари” болалар футбол фестивали Ғалларолда

Ҳозирги кунда эса уларнинг етук ва соғлом бўлиб камол топишида спортнинг ўрни беқиёс. Тўғри йулга етакловчи эса албатта устоз ва мураббийларнинг ўрни беқиёс.

“Болалар футболига эътибор бериб, уларга ҳозирдан футболнинг сир асрорларини ўргатайлик. Ишонаман, улар келажакда катта марраларни забт этади”, - дейдилар  устозим Нодирхўжа Юлдашев.

Рост, улардаги шижоатни кўриб келажакда ўзимизнинг Месси, Роналдо ёхуд Буффонлар чиқишини ишонасан киши. Футболга меҳр қўйиш ва секин асталик билан уларга футболнинг барча сир асрорларини ўргатиш мақсадида, Жиззах вилояти футбол федерацияси, Ғаллаорол тумани болалар ва ўсмирлар спорт мактаби ташаббуси билан  Жиззах вилояти Ғаллаорол туманида 2008-2009 йилларда туғилган болалар ўртасида  “Келажак юлдузлари” футбол фестивали ўтказилди.

Унда республикамизнинг Тошкент, Фарғона, Наманган, Бухоро, Сирдарё ва Жиззах каби вилоятлардан жамоалар қатнашдилар. 1-5 апрель кунларида ўтган ушбу фестивалида қуйидаги жамоалар иштирок этишди:

Тошкент “Пахтакор” 1 ва 2 жамоалари (24 нафар футболчи)
Фарғона  -  “Марғилон”(12 нафар)
Наманган – “Наманган”(12 нафар)
Бухоро-  “Бухоро”(12 нафар)
Сирдарё- “Гулистон”(11 нафар)
Тошкент- “Локомотив БФК”(12 нафар)
Ғаллаорол – “Маржонбулоқ”(12 нафар)

“Болажонларнинг кўзидаги қувончни қаранг” - деб сўз бошлади Ғаллаорол БЎСМ футбол мураббийи Бахриддин Раҳмонқулов. “Ушбу фестивални ташкил қилишдан асосий мақсад болаларда спортга, хусусан футболга бўлган меҳрни ўйғотиш, уларни ватанпарварлик руҳида тарбиялаш, истеъдодли болаларни саралаб олиш ва улардан профессионал футболчиларни тарбиялаш. Жиззахдан кўплаб футболчилар етишиб чиққан. Даврон Файзиев, Жасур Ҳасанов, Сардор Рашидов ва бошқалар. Уларнинг ютуқларини кўриб хурсанд бўламиз ва янада фахрланамиз. Бу болажонлар ҳам келажакда миллий терма жамоаларимизда ўйнаб, ватанимиз  байроғини юксакларга  кўтаришига ишонаман”.

Фестивалнинг сўнги кунида, болаларни тақдирлаш маросими бўлиб ўтди. Унда Жиззах вилояти футбол федерацияси биринчи вице-президенти Мусулманов Анвар Исматуллаевич ва федерация ходимлари, Ғаллаорол БЎСМ раҳбарияти, ОАВ ходимлари, жамоалар мураббийлари  2012 йил Эронда бўлиб ўтган Осиё чемпионатида чемпион бўлиб, ҳозирги кунда Жиззахнинг  “Сўғдиёна” жамоаси шарафини ҳимоя қилаётган Сарвар Каримов, Иззатилла Абдуллаев, Шохрух Эшбўтаев қатнашиб, болаларни медаллар билан тақдирлайди. Бундай тадбирлар ташкил этилишида давом этилади.

Дилдора Холбоева Жиззах вилоятидан махсус