Карлуш Кейруш: "Россия Жаҳон чемпионатини ютиши мумкин"

"Биз Россия билан тўқнаш келдик (Россия ва Эрон 2017 йилнинг 10 октябрь санасида, Қозонда ўзаро ўртоқлик ўйини ўтказган - 1:1). Охирги йилда сизнинг терма жамоангиз улкан ўсишга эришди, Конфедерациялар кубогида жамоа ўзига ишонган тарзда кўринди. Ҳозир бу гуруҳдан чиқиш учун яхши имкониятларга эга бўлган жуда кучли жамоа.

Ўйлашимча, руслар ҳатто мундиални ютишлари ҳам мумкин. Футболда ҳамма нарса бўлиши мумкин, нима учун йўқ? Конфедерациялар кубогида мен сайёранинг исталган жамоаси билан тенгма-тенг ўйнай оладиган Россия терма жамоасини кўрдим. Сизда яхши мураббий, мотивация ва мухлислар томонидан ажойиб қўллаб-қувватлаш бор", - дея Кейрушнинг сўзларини келтирди "ТАСС" ахборот агентлиги.

Эслатиб ўтамиз, Карлуш Кейруш Жаҳон чемпионатидан сўнг жуда катта эҳтимол билан Ўзбекистон миллий терма жамоасини қабул қилиб олади.