Карло Анчелотти: "ПСЖ"ни мағлуб этиш учун ғайриоддий нимадир қилиш керак"
06 ноя 2018 00:55
Янгиликлар

Карло Анчелотти: "ПСЖ"ни мағлуб этиш учун ғайриоддий нимадир қилиш керак"

"Наполи" устози Карло Анчелотти ЕЧЛ 4-тури доирасида "ПСЖ"га қарши тўқнашувдан олдин фикрлари билан ўртоқлашди.

"Ўйинга яхши тайёргарлик кўрдик ва нима қилиш лозимлигини биламиз. Биринчи учрашувда рақиб иккита турли хил схемалардан фойдаланди. Тўғрисини айтсам, эртага улар қандай тактик услубдан фойдаланишларини билмайман. Лекин, "ПСЖ" - ўта кучли жамоа ва мазкур клубга қарши ўйнаш жуда оғир".

"Катта жамоалар билан учрашиш учун ҳеч қачон қулай вақт бўлмайди. Лекин, "ПСЖ"га қарши тўқнаш келган илк ўйинимиз, сўзсиз бизга ишонч беради. Дастлабки учрашувда ўзимизга бўлган ишонч етарли бўлмади. Ҳужумларни якунлашда аниқроқ ҳаракат қилишимиз керак эди. Умуман, Мбаппе, Неймар, Кавани сингари топ форвардларга эга клубни мағлубиятга учратиш учун биздан ғайриоддий нимадир қилиш талаб эталади", - деди Анчелотти.

Эслатиб ўтамиз, "Наполи" - "ПСЖ" учрашуви 7 ноябрь куни Тошкент вақти билан соат 01:00да бошланади.

Ҳавола :

Манба : uefa.com

Янгиликларни Телеграмда ўқинг!

Рейтинг: +13