"Кардифф" Сала агентларини судга бермоқчи

Бир неча кун олдин Сала ўтирган самолёт йўқолиб қолди ва ҳозиргача топилмади.

"Кардифф" бахтсиз воқеалар учун суғуртадан фойдаланганига қарамай, 28 ёшли футболчи трансферидан 14 млн. евро йўқотади.

Агентларга тўлов миқдори (2,5 млн. евро) ва Саланинг 3 йиллик шартномаси 30 млн. фунтга баҳоланмоқда. Суғурта компанияси 16 млн. евро миқдорида пул тўлаши мумкин.

Самолёт йўқолиши сабаблари аниқланмагунича "Кардифф" "Нант"га ўтказиши керак бўлган пулларни музлатиб қўйди.

"Кардифф" бепарволик туфайли агентларни судга бермоқчи. Сала Ла-Маншни 1984 йилда ишлаб чиқарилган бир моторлик самолётда учиб ўтишга ҳаракат қилган, бу эса клубдагиларни ғазаблантирмоқда. Ҳаво кемаси рулида эса лицензияга эга бўлмаган учувчи бўлган.

Саланинг Кардиффдан Нантга ва орқага учиши агентлар томонидан ташкиллаштирилган.

"Кардифф" "Нант"га трансфер учун 20 млн. евро ҳамда клуб АПЛда жон сақлаб қолгани учун 3 млн. евро тўлаши керак. Барча ҳужжатлар FA ва ФИФАга юборилди. Ҳужжатлар текширилганидан сўнг уэльсликлар пулларни ўтказиб бериши керак бўлади.