Камолиддин Тожиев "Хитой чемпионатида яна икки йил ўйнамоқчиман"

"Йил якунида жамоам билан тузадиган шартномам ўз якунига етади. Лекин яна икки мавсум Хитойда тўп тепаман. Олдимда бир қатор таклифлар бор, балки клубимни алмаштирмасман. Бу борада мавсум якунига етганидан кейин агентим билан маслаҳатлашиб бир қарорга келаман", - дейди Тожиевлар сулоласининг ўртанчаси.

- Бир йил аввал фоворитлар қаторида борган клубни кўп ўтмай ўртамиёналар қаторидан жой олаётганлиги кўпчилик учун қизиқ?
- Хитойда "Гуанджоу Эвергранд" клубини инобатга олмаганда қолган барча жамоаларнинг имкониятлари тенг. Мавсум бошида қайси жамоа ўз сафини кучли ҳужумчи билан бойитиб олса ютиш имконияти ошади. Бу ерда асосий ўйинни легионерлар қилишади. Маҳаллий футболчиларнинг барининг савияси бир хилда. Қолаверса бизнинг жамоа бу йил бир қатор ёшларни асосий таркибга жалб этди. Бу ҳам натижаларимизга таъсир ўтказмай қолмади.

- Ўзбекистон чемпионатини кузатиб бораётган бўлсангиз, укангизни ўйинига нима дейсиз?
- Аввалги йил Фарҳод жароҳати туфайли ўз имкониятини ишга сола олмади. Бу йил эса аксинча формасини тиклаб олган ҳолда чемпионатнинг бомбардирлари рўйҳатини юқори поғонасидан жой олиб турибди.
Бугунги интервьюдан фойдаланган ҳолда, дўстимиз Ойбек Касимовни туғилган куни билан чин юракдан муборакбод этаман. Доимо оиласининг бахтига соғ ва саломат бўлиб юрсинлар.