Камолиддин Мурзоев: "Ўзбекистон футболчилар уюшмаси кузатувчи мақомидан тўлиқ аъзолик сари қадам ташлади"

Ушбу катта нуфузли тадбирда Ўзбекистон футболчилар уюшмаси ҳам иштирок этаётганини таъкидлаш жоиз. Ушбу ташкилот юртимизда 2017 йил ўз фаолиятини бошлаган бўлиб, 2018 йил Адлия вазирлиги рўйхатидан ўтказилган. Халқао FIFPro ташкилотининг Ўзбекистондаги ягона вакили ҳисобланади. 2017 йилдан бошлаб эса юртимиз футболчилари ФИФА томонидан ўтказиладиган World 11 йилнинг энг яхши 11 футболчисини аниқлаб берадиган сўровномада иштирок эта бошлашди. Уюшма эса шу кунга қадар кузатувчи мақомида бўлиб келди. Ҳозирда Парижда ўтаётган ассамблеяда Ўзбекисто FIFPro ташкилотининг расмий аъзоси сифатида қабул қилиниб махсус сертификатга эга бўлди. Биз батафсил маълумот олиш мақсадида Ўзбекистон футболчилар уюшмаси раҳбари Камолиддин Мурзоев билан боғландик.

FIFPro ташкилотининг янги президенти Давид Аганзи билан

"Биласиз уюшмамиз FIFPro ташкилотининг кузатувчи аъзоси сифатида фаолият юритиб келар эди. Бугун Парижда ўтаётган халқаро анжуманда FIFPro аъзоси сифатида қабул қилиндик. Эндиликда кузатувчи мақомидан аъзолик сари қадам ташладик, дея оламан. Бизни тўлиқ қўллаб-қувватлаган ҳолда ўз таркибларига қўшиб олишди. Бу биз учун катта ютуқ. Футболчиларимизни ҳуқуқларини ҳимоя қилишда катта қадам бўлди. Мазкур ассамблеяда Испания футболчилар уюшмаси раҳбари Давид Аганзи, Италиядан Дамиано Томаззи Камерундан Жереми Нжитап фаолият олиб бормоқда. Кейинги тўрт йилликда FIFPro ташкилотининг янги президенти учун бўладиган сайловларда ўз овозимизга эга бўлади. Ташкилот ўтказадиган сайловларда овоз бера оламиз. Бу албатта қувонарли ҳолат",- дейди Камолиддин Мурзоев. 

Абдулазиз Искандаров