Жеко фаолиятини Туркияда давом эттиради
22 июн 2023 11:45
Янгиликлар

Жеко фаолиятини Туркияда давом эттиради

Тажрибали форвард "Фенербахче" шарафини ҳимоя қилади.

"Интер" ҳужумчиси Эдин Жеко фаолиятини Туркияда давом эттиради. Босниялик футболчи "Фенербахче" футболчисига айланади.

37 ёшли ҳужумчи яқин вақтларда тиббий кўрикдан ўтиш ва трансфер бўйича музокараларни якунлаш учун Истанбулга келади. Бу ҳақда турк клуби матбуот хизмати хабар берди.

ОАВнинг сўнгги хабарларига кўра, футболчининг "сариқ канарейкалар" билан шартномаси 2025 йилнинг ёзига қадар ҳисоблаб чиқилади. Унинг "Интер" билан шартномаси 30 июнь куни якунига етади. Томонлар янги меҳнат шартномасини имзолаш борасида келиша олмадилар.

Жеко "нерадзурри" сафида 2021 йилнинг ёзидан буён ўйнамоқда. 2022/23 йилги мавсумда у 52 та ўйинда майдонга тушиб, 14 та гол урди ва 5 та голга ассистентлик қилди. Охирги мавсумда у "Интер" билан бирга Чемпионлар Лигаси финалига чиқди ва "Манчестер Сити"га минимал ҳисобда ютқазди (0:1).

Ҳавола :

Манба : https://twitter.com/Fenerbahce

Янгиликларни Телеграмда ўқинг!

Рейтинг: +2