Жек Грилиш: "Холанд - ўз позициясида дунёнинг энг яхшиларидан бири, балки энг зўридир"

- Кўпроқ гол уриб, ассистларни ёздириб ташлашни истайман. Бу ерга келган илк кунимданоқ шу гапларни айтгандим. Шунингдек, кўпроқ совринларни ютишни хоҳлайман. Асосийси - АПЛ бош совринига эришдим. Бу фаолиятимдаги асосий мақсадлардан бири эди. Индивидуал жиҳатдан янада яхшироқ ўйин кўрсатишимга ишонаман. Келаси мавсумда шундай бўлади ҳам.

Холанд олиб келинмоқда. Унга қараб топ-форвардни кўряпмиз. Балки у дунёнинг энг яхши ҳужумчисидир. У жамоага катта ёрдам беради. Келаси мавсумни интиқлик билан кутяпман.

- Холанд орқали ўз статистикангизни яхшилаб оласизми?

- Шунга умид қиламан. Чунки жамоадаги барча ярим ҳимоячилар Холанд орқали ўз ассистлари сонини ошириб олишни ният қилмоқда. Гап фақатгина менда эмас. Холанднинг ўйин услуби Де Брюйне, Фоден ва Стерлингнинг услубига мос тушади, - деди Грилиш.