UZ

Сўнгги янгиликлар

00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  2 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  18 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  4 20:15"Локомотив" "SWM Motors" билан ҳамкорлик шартномаси имзолади  1 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  1 19:50Улуғбек Бақоев: "Футболда шунақаси ҳам бўлиб туради"  14

ЖЧ-2022 саралаш. 2-турдан кейин барча гуруҳлардаги вазият Янгиликлар

ЖЧ-2022 саралаш. 2-турдан кейин барча гуруҳлардаги вазият

Кеча, 10 сентябрь куни ЖЧ-2022 саралаш босқичининг иккинчи раунд 2-тур баҳслари ўтказилди.

Кечаги ўйинларнинг эътиборга молик жиҳати, қуръа жараёнида биринчи саватчадан жой олган кучли жамоаларнинг курашга қўшилгани бўлди. Жаҳон чемпионатига боришга асосий даъвогарлардан Хитой, Австралия, Эрон, Япония, БАА ва Жанубий Корея илк турни ғалаба билан бошлаган бўлса, Саудия Арабистони дуранг қайд этди. Шунингдек, Қатарнинг ўз майдонида Ҳиндистонни енга олмагани ҳам кутилмаган натижа бўлди. 


"A" гуруҳи

Гуам – Филиппин 1:4 

Мальдив – Хитой 0:5 

Гуруҳдаги ҳар икки учрашувда йирик ҳисоб қайд этилди. Хитой Мальдив уйига сафар уюштириб 5:0 ҳисобида зафар қучган бўлса, Филиппин Гуамдан 4:1 ҳисобида устун келди. Дарвоқе хитойликлар сафида Элкесон ўз ҳисобига иккита гол ёзиб қўйди. Хитой биринчи уринишдаёқ гуруҳ пешқадамига айланиб олди.


Кейинги учрашувлар:

10 октябрь. Хитой - Гуам; Сурия - Мальдив

  

"B" гуруҳи

Хитой Тайпейи – Непал 0:2 

Қувайт – Австралия 0:3 

Австралия Қувайтга ҳеч қандай имкониятни қолдирмади ва 3:0 ҳисобида зафар қучди. Учрашувда Мэттью Леки дублга эришди. Қувайтда кечган баҳсни стадионда 12 мингга яқин томошабин кузатиб борди. Гуруҳдаги иккинчи ўйинда Непал Хитой Тайпейидан устун келди.


Кейинги учрашувлар:

10 октябрь. Австралия - Непал; Иордания - Қувайт   


"C" гуруҳи

Камбоджа – Баҳрайн 0:1

Гонконг – Эрон 0:2 

Эрон терма жамоасига Сардор Азмун ва Карим Ансарифад томонидан киритилган голлар Гонконг устидан 2:0 ҳисобидаги ғалабани тақдим этди. Камбоджа майдонига сафар қилган Баҳрайн эса 1:0 ҳисобидаги ғалаба билан қайтди. Қизиғи шундаки, Камбоджадаги "Олимпик" стадионида кечган баҳсни 45 минг томошабин кузатиб борди.

 

Кейинги учрашувлар:

10 октябрь. Эрон - Камбоджа; Ироқ - Гонконг


"D" гуруҳи

Сингапур – Фаластин 2:1 

Яман - Саудия Арабистони 2:2  

Ўзбекистон терма жамоаси жой олган гуруҳда ҳам вазият қизғин тус олмоқда. 1-турда бизни ютган Фаластин навбатдаги учрашувда имкониятни бой бериб қўйди. Гуруҳдаги энг кучли рақиб сифатида қаралаётган Саудия Арабистони эса Яман билан дуранг ўйнади. Кейинги турни миллий терма жамоамиз Тошкентда Яманга қарши ўтказади.

 

Кейинги учрашувлар:

10 октябрь. Саудия Арабистони - Сингапур; Ўзбекистон - Яман

 

"E" гуруҳи

Афғонистон – Бангладеш 1:0 

Қатар – Ҳиндистон 0:0 

1-турда Афғонистонни 6:0 ҳисобида мағлуб этган Қатар бу турда кутилмаганда Ҳиндистон билан 0:0 ўйнади. Тўғри, қатарликлар мураббийи асосан иккинчи таркибни туширди, шунга қарамай амалдаги Осиё чемпионидан кўпчилик ғалаба кутганди. Фашад Нур томонидан киритилган гол Афғонистонга кичик ғалабани тақдим этди. 

 

Кейинги учрашувлар:

10 октябрь. Бангладеш - Қатар; Уммон - Афғонистон


"F" гуруҳи

Мўғулистон – Тожикистон 0:1

Мьянма – Япония 0:2 

Бу гуруҳда Тожикистон кетма-кет иккинчи ғалабасини нишонлаб, биринчи ўринга кўтарилиб олди. Усмон Тошев шогирдлари навбатдаги баҳсни ҳам 1:0 ҳисобида якунлашди. Япония эса сафарда Мьянмани мағлуб этди. Мьянмадаги стадионга 25 мингдан зиёд мухлис ташриф буюрди.

 

Кейинги учрашувлар:

10 октябрь. Япония - Мўғулистон; Қирғизистон - Мьянма 


"G" гуруҳи

Индонезия – Таиланд 0:3

Малайзия – БАА 1:2 

БАА саралаш ўйинларини қийин ғалаба билан бошлади. Малайзиялик футболчилар 1-дақиқадаёқ ҳисобни очишди, бироқ тайм тугашига икки дақиқа қолганида Али Мабхут ҳисобни тенглаштирди. Кейинчалик Али Мабхут яна гол уриб жамоасига илк уч очкони келтирди. Индонезия майдонига сафар уюштирган Таиланд йирик 3:0 ҳисобидаги ғалабани тантана қилди.

 

Кейинги учрашувлар:

10 октябрь. БАА - Индонезия; Вьетнам - Малайзия 


"H" гуруҳи

Туркманистон - Жанубий Корея 0:2

Шри Ланка – КХДР 0:1 

Ва ниҳоят "H" гуруҳида иккита корейс жамоаси ғалабага эришди. Жанубий Корея сафарда ён қўшнимиз Туркманистонни мағлуб этган бўлса, шимолликлар Шри Ланкани кичик ҳисобда мағлуб этиб қайтишди. Ашхободда кечган баҳсни 26 минг томошабин стадионда кузатиб боргани ҳам эътиборга молик.

 

Кейинги учрашувлар:

10 октябрь. Жанубий Корея - Шри Ланка; Ливан - Туркманистон 


Энг яхши иккинчи ўрин эгалари бўйича вазият қандай? 

Маълумки, мазкур саралаш босқичида Осиёдан 40та давлат қатнашмоқда. Мусобақа регламентига кўра, ҳар бир гуруҳ ғолиблари (8та) ва энг яхши кўрсаткич қайд этган 4та иккинчи ўрин эгалари (жами 12та жамоа) кейинги босқичга йўл олади. Дастлабки иккита тур натижаларидан сўнг Сурия, Австралия, Эрон ва Япония энг яхши кўрсаткичга эга бўлиб туришибди.

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика