Жавлон Аноров: "Таркибда юзага келган йўқотишлар ўз таъсирини ўтказди"

 Чирчиқликлар “Навбаҳор” (3:5) ва “Металлург” (3:3)га қарши ўйнади. Жамоа етакчи футболчиси Жавлон Аноров 5-турда 2та гол урищга эришди. Тур якунлари бўйича Аноров фикрларига қулоқ тутдик.

"Афсуски, кўзланган очколарни қўлга кирита олмадик. Чунки таркибда йўқотишлар борлиги сабаб бўлди. Барибир, таркибда юзага келган йўқотишлар ўз таъсирини ўтказди. Мақсадимиз 6 очкони қўлга киритиш эди. Дейлик, ўтказилган иккала баҳс ҳам қийин кечди. “Металлург”га қарши ўйинда биринчи бўлимда кўп хато қилдик. Танаффус вақтида мураббийимиз берган кўрсатмаларни тўғри бажардик ва ҳисобда ўзгариш қилдик ва якунда дуранг натижа қайд этдик. 

Мавсум бошида 4-ўринни эгаллаш вазифаси жамоа олдига қўйилганди. Ўйлайманки, ҳали имкониятларимизни сақлаб қолганмиз ва охирги турларга қадар курашни тўхтатмаймиз.

Келаси турда ҳам жуда қийин ўйинлар бўлиб ўтади. Ўйлайманки, мазкур баҳсда ўзимизга керакли очколарни қўлга кирита оламиз", — дейди Аноров.