Жамшид Саидов: "Дарвозалар худди сеҳрлангандек"
07 май 2016 22:43
Янгиликлар

Жамшид Саидов: "Дарвозалар худди сеҳрлангандек"

"Бухоро" - "Металлург" (0:0) учрашувидан сўнг мезбонлар бош мураббийи Жамшид Саидов ўз фикрларини билдирди.

"Бугун томошабоп ўйин бўлди. Устунлик тўлиқ биз томонда бўлди. Афсуски иккинчи ўйинда ҳам вазиятлар содир этиб гол ура олмаяпмиз, худди дарвозалар сеҳрлангандек. "Металлург" бутун ўйин давомида ҳимояланди. 6 нафар футболчи доим ҳимояда ўйнади. Йигитлар ҳаракат қилишди, аммо гол ура олишмади. Уларга ҳеч қандай эътирозим йўқ. Мухлислар қаршисида балки шогирдларимда ҳаяжон кучли бўлаётгандир. Мухлислардан уларнинг ишончини оқлай олмаганимиздан узр сўраймиз. Кейинги "Бунёдкор"га қарши ўйинга тайёргарлик кўрамиз. Кейин "Пахтакор" билан иккита кубок ўйинида иштирок этамиз.

"Бунёдкор" жуда жиддий рақиб. Охирги ўйинларда улар ажойиб ўйнашмоқда. Бухорога келаётган ҳар бир жамоа ҳимояда ўйнаб қарши ҳужумдан гол уришга уринмоқда. ", - дейди Саидов.

Ҳавола :

Манба : championat.asia

Янгиликларни Телеграмда ўқинг!

Рейтинг: +6