Жалолиддин Машарипов: "Мақсадимиз - ҳамиша энг юқорида бўлиш"
07 мар 2016 12:39
Янгиликлар

Жалолиддин Машарипов: "Мақсадимиз - ҳамиша энг юқорида бўлиш"

"Пахтакор" ва "Андижон" ўртасидаги биринчи тур ўйинидан олдин ярим ҳимоячи Жалолиддин Машарипов баҳсга оид таассуротлари билан ўртоқлашди.

- Мавсум барча учун қийин кечади. Кучли жамоалар сони кўпайиб бормоқда. Таркибини кучайтирган клубларни кўрдик. "Пахтакор"дан кўп футболчи кетиши ва уларнинг ўрнига янгилар келиши мумкин, аммо бу бизнинг олдимизга қўядиган мақсадга тўсиқ бўлмайди. Ҳамиша чемпион бўлишни ва энг юқорида бўлишни хоҳлаймиз. "Пахтакор" доим бунга ҳаракат қилади. Янги футболчилар жамоамизга тўлиқ мослашиб кетса, ўйинимиз яхшиланади.

"Андижон" билан учрашувга келсак, ўтган йили охирги тур баҳсида бу жамоа дарвозасини ишғол қилгандим. Майдонга тушсам, яна жамоам учун фойда келтиришга интиламан. Имкон қадар тўп киритиш ёки жамоадошларимга гол уришга кўмаклашишни мақсад қилганман.

Ҳавола :

Манба : pakhtakor.uz

Янгиликларни Телеграмда ўқинг!

Рейтинг: +5