Жаҳон юлдузлари фаолиятини бошлаган стадионлар

Шунингдек, дунёнинг гранд жамоалари сафида ўйнаб, топ стадионларда тўп тепадилар. Футболчилар буларнинг барига меҳнати ҳамда иқтидори билан эришган. Аммо улар бу кунга етгунча...

Бугун бутун дунёга маълум ва машҳур бўлган футболчилар илк бор фаолиятини бошлаган стадионларни эътиборингизга ҳавола этамиз.

1. Неймар

Неймар 1992 йил 5 февраль куни Бразилиянинг Сан-Паулу штати Можи-дас-Крузис шаҳарчасида дунёга келди. Фаолиятини “Португеза Сантиста”да бошлади. Бу клуб “Сантос”нинг ёшлар жамоаси ҳисобланади. Стадион — “Улрико Мурса”. У қуйидаги кўринишга эга?

2013 йил ёзда бразилиялик “Барселона”га ўтди. Клуб ҳужумчи трансферига 57 млн евро сарфлади. 2014/2015 йилги мавсумда у клуб билан “ажойиб xет-трик” қилди: Испания чемпионати, Испания Кубоги ҳамда УЕФА Чемпионлар Лигасида ғолиб бўлди. Неймар 2017 йил августда 222 млн евро эвазига “Барселона”дан Франциянинг “Пари Сен-Жермен” клубига ўтди. Натижада у дунёнинг энг қиммат ўйинчисига айланди.

2. Криштиану Роналду

Роналду 1985 йилнинг 5 февралида Португалиянинг Фуншал шаҳрида таваллуд топди. Кришнинг болаликдаги севимли жамоаси “Бенфика” эди. У 8 ёшида отаси ишлайдиган ҳаваскор жамоа — “Андоринья”да тўп тепа бошлади. Жамоа ўйнайдиган стадион трибунаси 500 кишига мўлжалланганди.

Бу унинг биринчи стадиони:

Роналду 2008, 2011, 2014 ва 2015 йилларда “Олтин бутса” соҳибига айланди. 2008 йил эса УЕФА томонидан клубнинг энг яхши ўйинчиси деб эътироф этилди. Шунингдек, ЕЧЛнинг энг яхши футболчиси бўлди, “Олтин тўп”ни қўлга киритди ва “ФИФА йил ўйинчиси” номига сазовор бўлди. У Чемпионлар Лигасида 7 маротаба энг яхши тўпурар бўлган (кетма-кет 6 марта):  2008 йил, шунингдек, 2013, 2014, 2015, 2016, 2017 ва 2018 йилларда.

3. Муҳаммад Салаҳ

Салаҳ — “Мокавлун” футбол клуби академияси тарбияланувчиси. 2010 йил 3 май куни “Эль-Мансура”га қарши баҳсда дебют қилган. 2010/11 йилги мавсум Муҳаммад асосий таркибдан ўрин эгаллади. 2010 йил 25 декабрь “Аль-Ахли”га қарши учрашувда Салаҳ илк голини уришга муваффақ бўлди. Салаҳ ўйнаган биринчи стадион:

У ҳозирги кунда “Ливерпуль” сафида тўп тепади. Салаҳ 2017 йил Миср термаси билан Габонда бўлиб ўтган Африка Кубогида кумуш медали соҳиби бўлди. Шунингдек, термаси билан Россия ЖЧ-2018га чиқишга эришди. 2018 йил апрелда “АПЛ мавсум ўйинчиси” бўлди. 2019 йил “Ливерпуль” билан Чемпионлар Лигасида ғолиб бўлди.

4. Садио Мане

Мане 1992 йил 10 апрель куни Сенегалнинг Седиу шаҳарчасида туғилган. 15 ёшга тўлганида амакиси билан Дакарга борди — ўша ернинг маҳаллий “Женерасьон Фут” номли футбол академиясига қатнай бошлади. Ўша ердаги кичик “Дени Бирам Ндао” стадионда фаолиятини бошлади.

2016 йилнинг 28 июнида Садио 40,7 миллион евро эвазига “Ливерпуль” ўйинчисига айланди. 2018 йил қишда “Ливерпуль” сафидаги илк хет-трикини амалга оширди: ЕЧЛ доирасидаги “Порту”га қарши баҳсда. Чемпионлар Лигаси финали куни (26 май) “Реал” дарвозасини ишғол этди. Натижада ЕЧЛда гол урган биринчи сенегаллик ўйинчига айланди. 2019 йил “Ливерпуль” сафида ЕЧЛ Кубогини қўлга киритди.

5. Роберто Фирмино

Роберто 1991 йил 2 октябрь куни Бразилиянинг Масейо шаҳрида дунёга келган. У “Клуб Регатас Бразил”да фаолиятини бошлаган ва таянч ярим ҳимоячи позициясида ҳаракатланган. Фирмино илк бор машҳур бразилиялик ўйинчи Пеле шарафига номланган “Қирол Пере стадиони”да ўйнаган.

2015 йил 24 июнь куни Роберто Фирмино “Ливерпуль”га ўтди. Маълумотларга қараганда, трансфер суммаси 29 миллион фунтни ташкил этган экан. Ҳозирги кунда у жамоа етакчиларидан бири саналади. Роберто Бразилия термасининг ҳам асосий футболчиларидан биридир. Шунингдек, бу йил ЕЧЛ ғолиби бўлиб улгурди.

6. Диего Годин

Диего 1986 йил 16 февралда туғилган. Годин Уругвайнинг энг машҳур клубларидан бири — “Серро”да фаолиятини бошланган. Илк стадиони — “Луис Трокколи”. Диего ушбу аренада 3 йил тўп тепган, миллий чемпионатнинг 63 ўйинида майдонга тушган ва 6та гол уришга эришган. “Луис Трокколи” трибуналарининг ўзига хос номи бор — асосий (шимолий) трибуна Аргентина шарафига номланган. Унинг қаршисида “Бразилия”, ўртада эса — “Парагвай” ва “Чили” номли трибуналар бор.

2010-2019 йилларда Годин Мадриднинг “Атлетико”сида ўйнади. 2018 йил эса сардорлик боғичига эга бўлди. 2017 йил 28 октябрда “Атлетико”нинг 315та (!) ўйинда майдонга тушган биринчи чет эллик футболчи бўлди ва бу борда Луис Амаранто Переани ортда қолдириб кетди. 2018/19 йилларда клубдан кетди ва Миланнинг “Интер” клуби сафига ўтди. Шунингдек, у 2005 йилдан буён Уругвай термасида тўп тепади. 2015 йил терма жамоа сардори бўлди.

7. Виржил Ван Дейк

Голландиялик ҳимоячи — Виржил ван Дейк 1991 йил 8 июлда Нидерландиянинг Бреда шаҳрида туғилди. Ўша ерда фаолияти бошлади. Қуйидаги суратда эса илк бор тўп тепган стадиони тасвирланган.

2001 йил “Виллем II” академиясига, 2010 йил эса “Гронинген” клубига ўтди ва ўша ерда профессионал фаолиятини бошлади. Марказий ҳимоячи ҳозирда “Ливерпуль” шарафини ҳимоя қилмоқда. Шунингдек, у Нидерландия термасининг сардори ҳисобланади.

8. Радамель Фалькао 

Радамель Фалькао 1986 йил 10 февраль куни дунёга келган. Фаолиятини “Мильонариос” ёшлар клубида бошлаган. 13 ёшида В Примеранинг “Лансерос Бояка” клубига ўтади. У ерда 1999 йилнинг 28 августида дебют қилди. Натижада, Колумбия чемпионати профессионал клубида дебют қилган энг ёш ўйинчи бўлди. Фалькао илк бор қуйидаги аренада тўп тепган:

9. Килиан Мбаппе 

Килиан 1998 йилнинг 20 декабрида таваллуд топган. Келиб чиқиши камерунлик бўлган йигитчанинг болалиги Бонди шаҳрида ўтди. Мбаппе ўша ерда футбол билан шуғулланишни бошлади: ярим профессионал клуб — “Бонди”да фаолият юритди.

2017 йил 31 августда Мбаппе 2017/18 йилги мавсум сўнгига қадар ижара ҳуқуқлари асосида ПСЖга ўтди. Аммо ижара муддати тугагунга қадар, клуб ўйинчини 180 млн евро эвазига сотиб олди. Килиан футбол тарихидаги иккинчи энг қиммат ўйинчи бўлди. 2018 йил Мбаппе Франция билан Жаҳон Чемпионатида ғалаба қозонди.

10. Поль Погба

Погба 1993 йил 15 март куни дунёга келган. Фаолиятини Парижнинг ҳаваскор жамоаси — “Руасси-ан-Бри”да бошлаган. У 2007 йил профессионал клуб — “Гавр”га ўтди. Поль ушбу клуб сафида икки йил давомида тўп тепди. Кейин эса “Манчестер Юнайтед” академиясига ўтди. Поль Погба илк бор қуйидаги стадионда тўп тепа бошлаган:

Кейинчалик “Ювентус” сафига ўтди. 2013 йил “Golden Boy” совринини қўлга киритди, 2014 йил январда “The Guardian” газетасида чоп этилган “Европанинг энг ёш ва истеъдодли футболчилар ўнлиги”дан жой эгаллади. Поль 2016 йил январда УЕФА талқинига кўра, “йилнинг рамзий терма жамоаси” таркибидан ўрин олди. Погба 2016 йил августда “Юнайтед”га қайтди. “Манчестер Юнайтед” трансфер учун “Юве”га 105 млн евро тўлаб берди. Бу билан Поль ўша йилдаги энг қиммат ўйинчи бўлди.

Шунингек, Погба Европа Чемпионати-2016 мусобақасида иштирок этган. Ўшанда Франция иккинчи ўринни эгаллаган (биринчи ўрин — Португалия). Погба ЖЧ-2018 ғолиби саналади. У мундиаль финалида Хорватияга қарши баҳсда ҳам гол уришга муваффақ бўлган эди.

Нозима Зарипова таржимаси